新年想去日本旅行

北海道最好玩既係:

1. 旭川的旭山動物園

2. 小樽音樂城

3. 層雲峽 (如果有落雪的話, 場面好壯觀)

4. 旭川拉麵村 (D拉麵好好味)

5. 千歲機場附近的OUTLET

以下係我北海道買回來的手信供你參考:

1. 帆立貝

2. 牛奶/牛奶糖及玻璃樽裝的牛奶布甸 (北海道盛產牛奶的, D牛奶好香及好滑架)

3. 用透明膠袋真空包裝的魷魚燒. 原隻魷魚入面釀了米飯/帆立貝/海膽...等材料. 入面D飯索晒魷魚的鮮味, 魷魚的肉質亦唔會韌, 所以非常好食的. 食果陣時解開包裝袋後蒸30分鐘便可.

4. 熊牧場出品的"熊出沒注意"精品 (熊出沒注意精品有好多不同的種類以供選擇. 例如: 熊出沒注意的水杯/衫/餅乾/公仔麵/毛巾....等)

5. 長腳蟹 (買的時候話比店員知你所買的長腳蟹是帶返香港的. 他們便會用發泡膠箱幫你裝好, 箱內還會放有2包乾冰保溫的. 不過搭飛機回來時一定要寄倉(因為入面有乾冰及較剪, D兩樣物品一定要寄倉的), 所以購買時要求店員比箱頭筆比你寫番你個名及電話上去, 因為好多人會買長腳蟹回香港, 如果唔寫番你個名及電話上去的話, 好易同別人的撈亂的. 請緊記在行程最後的一至兩天才好購買及一定要買煮熟左的, 因為日本唔比生的長腳蟹出口, 煮熟左就OK.)

6. 當造的水果. 最好在最後一日買, 因為新鮮D. 如果數量多的話可要求店員用紙箱裝好才比你. 水果是可以手提上機的, 上到機後放在行李架上便可, 過關是沒有問題的.


7. 小樽音樂城的音樂盒

8. 超滑的特濃朱古力. 小樽音樂城附近有好多朱古力店舖的, 門外會有職員負責比你試食架, 你可以試多幾間比較下佢地的味道才買.

9. 小樽郵政局旁邊的大廈二樓有一間咖啡店, 幾百YEN便可買到一杯玻璃杯裝的咖啡及一件蛋糕. 該玻璃杯是可以比你帶走做紀念的(玻璃杯有多款選擇). 你去到咖啡店後, 挑選你喜歡的杯, 然後通知站員就OK. 飲完咖啡後, 收銀處旁邊會有一個洗手盆比你洗杯的, 洗好隻杯及用毛巾抹乾後, 在洗手盆旁邊的架取一個合適SIZE的紙盒裝好隻杯便可取走架啦!

10. 日本清酒及梅酒. 小樽郵政局附近有售賣酒的專門店.

11. 乾元貝. 品質比起香港既海味舖所出售的靚好多.

12. 札幌拉麵村入面的商店出售的碗裝拉麵電話繩

13. 位於旭川市旭山動物園出售的企鵝毛公仔. D企鵝毛公仔樣子勁可愛, 送比小朋友OR女朋友一定會喜歡的.

14. 日式草餅及糕點

15. 冷帽. 由於我去到北海道時開始落雪及非常之凍, 所以買了冷帽. D冷帽最平的大約1000YEN就有交易, 而且質料及款式都唔錯及相當保暖的.

16. 到藥房買喇叭牌正露丸. 我跟果團的導遊話日本出售的喇叭牌正露丸品質好過香港的.

17, 伊藤園出的100%充實果汁. 去了日本幾日後, 由於食飯時多肉少菜的問題, 有大部份的團友都出現便秘情況. 導遊於是介紹我地去便利店買伊藤園充實果汁飲. 飲完之後的第二日早上便有得去洗手間. (但唔係肚柯果種, 是正常的排便. 所以購買後可以安心飲用) 佢係用透明膠樽裝的, 包裝紙是白色及寫住100%充實果汁, 樽蓋印有伊藤園的字樣. 果汁的顏色和紅羅白的顏色相同, 認住D幾個特徵的話, 應該不會買錯的.

18. 盒裝的味噌湯湯底, 一盒淨重1KG果隻. 當你買回來打開個蓋便發現味噌湯湯底係呈現糕狀的, 你只要用湯匙舀一些出來再放入煲湯的煲後加適量的水, 煮滾後便可飲用. 餘下的味噌湯湯底可放在雪櫃內保存, 留待下次再用. (煮味噌湯可加入日本紫菜OR海帶做配料)

19. 馬油產品 (洗頭水/沐浴露/護膚霜....等)

20. 長備炭洗頭水. 如果你的髮質是屬於油性, 洗完頭一陣D頭油好快就出番晒黎的話, 可以試下用D款洗頭水, 洗完之後個頭KEEP住好耐都仲係好爽及沒有頭油的.

21. 日本珍珠米. 買1kg便可, 如果太大包會好重的. 在日本買的珍珠米好倀過HK超級市場買的好多.

我上年跟東瀛遊去北海道旅行都好好

東瀛遊選擇的酒店都非常好 例如洞爺湖萬世閣酒店 ,一些房內可看洞爺湖全景 ,食物都非常好 ,果子王國酒店-裝修非常美麗 ,加上有海上樂園式的泳池,加上導遊會盡量滿足我們團友的要求

東瀛遊以前有做過國泰直航去北海道的團,現在沒有,坐國泰直航去北海道 ,下午3-4時己在北海道機場,到札幌只是下午4-5時 ,還是很多時間用,東瀛遊沒有國泰直航去北海道的團,可能價錢很貴,所以東瀛遊不做 ,非常可惜,現在改用香港航空,服務非常一般 ,我只給它五十分,加上飛機餐非常難食.

我阿哥剛剛去完北海道旅行, 去跟egl東瀛遊, 佢對這個團無論在行程安排、酒店住宿都讚不絕口,六千幾蚊, 仲有1晚住果子王國及自助晚餐,佢仲話北海道d夕張蜜瓜及長腳蟹好正。我都去過北海道, 但就自由行。我問佢地行程緊唔緊迫, 佢話ok喎, 每個景點都有充裕時間。

egl東瀛遊信譽一向都不錯, 不過价錢不算平, 你可以再compare 一下其他旅行社。