你相信學業和拍施，可以同時兼顧嗎 急!!

樓上幾位小朋友講既野雖然行啲，不過都算啱，但討論比較粗疏，小弟係度講啲自己既見聞。

其實讀書同拍拖本身就無咩衝突，正如你讀書同打機、瞓覺都無衝突一樣，只要分配好時間就咩都得。呢樣野阿水都識講，但就唔係咁多人覺得“好好分配時間”其實係一句幾搞笑既口號。點解﹖因為你點知你分配既時間一定啱﹖任何人都識講讀書同拍拖可以兩樣兼顧，但係齋講係人都得啦。實情係你做任何事(唔剩止讀書)，最緊要係你做嗰件事既目標係咩。以呢個論題黎講，就係你讀書同拍拖係為左乜﹖

不幸既係好多既讀書又拍拖既人根本就無唸過做呢兩件事既目標係咩。佢地番學係被迫既，而拍拖就人有我有或十月芥菜躍躍欲試而不顧後果，而我覺得有啲人根本就係為左炫耀自己可以兼顧學業及愛情而咁做。

所以問題既關鍵唔係兩樣野可唔可以一齊做，而係你既目標係乜野。如果你好似小弟咁，對學業緊張，但又唔係十優狀元，而且堅持要遇到性格相合既對象先會拍拖，咁你就唔好唸可以邊讀書，邊拍拖。但假如你咩都想試下，對學業要求又唔係咁高，咁當然可以隨便你。

不過講番轉頭，呢個世界上的確係有啲人既讀到書，又拍埋拖。我身邊就有情侶由讀書到依家拍左成十年拖，有一對仲一齊讀大學，而且到依家都未甩拖過。但係咁又點呢﹖有人得，唔代表人人都得。學業愛情兼得當然係好，但你確實要有好高才華同好好運氣及際遇先可以咁做，所以十個人入面有一兩個咁幸福已經好難得。萬一唔好彩你唔係有才有運氣嗰個，但又學人左右逢源，到頭來就變成一場空。

咁應該點做﹖我地點知自己有無咁好命﹖呢個問題無想像中咁難，自己係唔係讀書材料相信大家都心照，而你既學業目標亦無人比你更清楚。最緊要係唔好將兼顧學業及愛情呢樣高難度動作成為你非完成不可既目標，對學業，各位要盡力，尤其係自知能力有限既同學，更要叠埋心水發奮先至有成功既希望。對愛情，我地要隨緣，唔好為左人有我有而強求，要真係對人地有愛慕之意先去發展一段感情。其實如果你係奮發向上既好青年而對方又真係愛你，咁對方應該會欣賞你呢樣野而盡量唔會阻礙你既學業，當然咁完美既真愛好難搵，呢啲就要睇大家既彩數啦。

大家睇下steven個種以自己高高在上人地廢既個種態度啦,我冇講錯架,呢個係佢既本性,佢次次例牌話人地小朋友,大家睇下就知佢對人有幾「友善」

其實應該係可以兼顧的，不過一心二用實在很難兼顧，亦很少人可以辦得到，所以在學習階段時應好好讀書吧!

相信,不過同時也要顧著自己的學業成績

我本人唔相信,但最緊要係自己要識自制,千祈唔好太沉迷拍拖而唔專注學業,雖然好難做到,但係都要忍,果啲乜野''蘇舟過後無艇撘'',全部都係俾啲''成年人''的,既然有學業,就緊係放棄愛情,前途緊要過1段短暫的愛

長遠VS短暫,就緊係長遠贏喇

我相信可以兼顧 , 不過可以做到嘅人就好少 , 除非呢個人好有自律 , 識得安排好d時間 , 不會太沉迷於戀愛 , 而人又好冷靜 , 呢種人應該比較可以兼顧.