申請公屋急問,唔該大家幫幫忙

你係咪大肚係唔會影響進度，亦唔會因為咁加快或減慢申請時間。
聽聞近來房屋署話好多野做，份form要等三個月先得閒輪到黎批核，假設你真係冇填錯，填漏，所有野ok, 你預遞表到有編號要4個月時間。
你既問題我好同情，首先，我唔清楚你老公搵幾多，但既然合資格(我估你冇over入息)，可以考慮向社署尋求幫助，如果佢地認同你地係有急切既住屋需要，係可以體恤安置，咁係快好多就有屋住。但由於公屋需求實在太多，唔會隨便酌情處理，所以你要有好充足既證明，如入息，資產，證明你兩個山窮水盡，甚至可能要你娘家既人幫你寫封信證明你只係暫住，平日係冇人得閒理(照顧)你，或者佢地地方實在太小之類。總之你要預左需要好多時間搵社工幫手。
雖然以上位仁兄有建議你要特快編屋計劃既屋，但一來你連號碼都未有，二來呢d屋都好搶手下，即使你肯要呢d咁有問題既屋，你起碼要排左兩年先輪到你有份，最致命既係個d屋要左唔係咁易短期內申請調遷，所以唔好貪一時之快(假若仲有其他辦法)
家下d老人家(我指父母, 大約50-65)，佢地真係好多節目，唔願同我地呢代照顧孫兒，玩就好，叫佢湊就灑手拎頭，唉....總之就煩係呢，又冇錢請工人，又要番工，睇怕都係要拎去(政府)托兒所。
希望你可以快d解決問題啦，bb就黎出世架啦，要精神d先得!

因為你有BB, 可能因此你的申請較慢處理, 要慢慢處理.

上公屋原則上 3年, 你如果急要上樓, 可主動申請入住東涌, 包你快.

也可等明年約 7月的"特快上樓", 如果OK, 明年12月可以入伙. 但你要諗清楚, "特快"上樓, 很難調遷, 後果自負, 到時不要怨我咁好介紹, 唔係個個入伙後都鍾意, 有人後悔不已, 亦有人安居樂業, 你一定要諗清楚.

這個難關有何方法渡過呢?
開心的諗將來, 諗BB有幾重, 好多人似你一樣, 人地一家3/4口住板間房, 無窗無空氣都係咁啦, 開心啲, 日子會好過啲, 越唔開心, 日子越難過.

現在邊有人會照顧孫兒, 無自由, 又唔多錢, 分分鐘要倒貼.

如果真係有經濟困難, 可以求助社工, 但你地唔符合條件, 應該申請唔到恩恤安置, 只能在經濟上幫你.
-------------------------------------------------------------
今年的"特快"還在揀樓, 你登入以下聯結, 再進入尚餘單位參觀一下, 俾你有心理準備, 因為你太遲問, 之前稍為好的單位已經被人揀清, 任何血案/單位內有人死亡/淋紅油/噪音嚴重的單位(在香港/九龍/葵青區)已經全部無.
http://www.housingauthority.gov.hk/b5/residential/prh/expressflatalloc/0,,1-0-0-0,00.html

2008-11-04 23:03:08 補充：
如果你想要最初供應的"特快"資料, 我有留底, 你給我電郵, 我EMAIL 給你.
但你要有心理準備, 最初那份都幾得人驚. 唔係死人/血案/淋紅油...