信用卡是否累死全世界人類的東西?愈多信用卡的人是否愈無信用?

信用卡是否累死全世界人類的東西? 是不是就見仁見智!但會累死不懂理財既人,其實信用卡真係幾方便,但好多人都洗大左,明明只有7-8千元人工,卡數可以係十幾萬;萬幾兩萬元人工,卡數有幾十萬;點還?
好彩既,有屋企人幫你,無既,又要租金,返工錢,車錢,飯錢,睇醫生錢,點還?
其實銀行有冇唸過佢地啲信用額會否過高,幾千蚊人工可以有幾萬元信用額,香港地引誘又多,又無乜呢方面既教育,啲人點會唔駛到盡呀?
你見有啲人,身光頸靚,又多卡,其實佢可能仲窮過你,唉..........!
香港人呀......快啲醒啦.......洗錢前,買野前,比時間自己唸清楚嗰樣野係咪真正有須要用先,或唸清楚自己能力負擔到嗎?無謂為左某些物質上既野而付出咁多,做名牌既奴隸,人地就袋袋平安,自己就攞黎堪呵!
如果你揾兩三萬蚊一個月,買樣三四千蚊既野,無人會怪你,揾八九千蚊一個月,買三四千蚊既野而欠卡數,無人會可憐你架!人地黯住半邊嘴笑你:傻仔!
儲個錢,儲到有一萬,咪洗二千黎開心下囉!再係咁洗錢法,無人會幫到你..........改變下自己既生活方式才可自求!!!!*****尤其剛破完產,跟住即刻唸計出信用卡既人,係咪想玩死自己呀???????