我好想請教下大家工作上既野呀~

雖然我人生閱歷低,不過,我都想提供一些意見你!

首先,你可以嘗試自己在別人講解時,用紙和筆記下老板和上司說過的步驟!咁樣,當你忘記左的時侯,你都可以拿出之前摘下的筆記,來提醒自己應該點樣做!

其次,你一定要盡量在短期內完成人地給你的工作!因為你一來沒有記性,二來又唔喜歡問人,三來又害怕沒有面子!所以,你應該盡量做快一些工作,以免自己忘記點樣做之餘,又會少左做錯事的機會!

第三,你一定要肯問和有良好的聆聽能力!如果你唔問的話,就好容易發生誤會!雖然你問人地,人地可能會覺得煩,但是始終不要弄錯事情才是最重要的!還有,做秘書如果聽不清上司的命令,也都是容易做錯野!所以,如果你認為自己本身沒有聆聽能力的話,就要好好訓練了!

最後,你一定要用多一些禮貌去請教人!因為當人地見到你很虛心咁樣問佢地東西的時侯,就算佢地罵,都唔會罵得太過份(當然,你常常問和問題太唔店就例外!)

其實,打工要開心都是一件很重要的事情!如果你認為秘書不適合你做的話,你可以嘗試找另一份工,天下有咁多工作,那怕沒有一件適合你呢?還有,你都應該對自己有多一些信心,相信自己能夠做好一份工作!

你的問題是唔上心, 無記性, 對周圍是事情無留意.

你一定要自己幫自己,

唔上心, 無記性 - 別人無得幫, 要自己找答案
對周圍是事情無留意 - 睇多D報紙, 留意下身邊d野, 對事有好奇心.

有壓力, 先可以迫自己做好d, 你的情況在現在年青人中, 好多都是咁, 你要做好d, 就要改變自己, 才可進步.

你想自己起呢個情況有所改變的話, 首先唔好有自己係無藥可救呢個念頭, 咁樣會令你更踝足不前
其實每個人都會做錯野, 而每個人對做錯事之後既態度, 就係一個人會唔會再重覆犯錯既關鍵
曾經聽過一位做管理層既朋友講一句說話令我得著良多
「對下屬唔怕佢煩再三問同一個問題, 但係唔好起3個月或半年之後先問一D一早就應該要知道既問題」
好多時再三做錯同一件事, 就係因為怕上司會話你煩, 而一直將問題隱藏, 到真係要面對問題既時候, 始終唔識做就唔識做了
重點係, 開始時唔識係正常的, 唔識的就要問, 即使係問過的都要再問, 如果唔係事情只會越拖越耐, 問題就越來越大了
而且你肯問, 上司都會覺得你主動好學, 印象也會比較唔識唔做唔問好吧
只是一個心理關口, 希望你可以衝得過去, 唔好俾自己太多無謂既壓力, 好多事情就會變得順利多了

2008-11-20 09:44:09 補充：
"好多謝大家既意見呀....我已經努力中...但真係有一個問題唔知點攪，明明老闆企係我面前同我講野, 我明明已經好專心聽(好似), 但老闆一行開我會忘記左一半-.- 就算我mark note都無用...lee個問題唔止係工作上出現, 同朋友/家人一齊都係咁.... "

每個人都有自己既強項同弱項, 你會有呢個問題只代表你起呢一件事上面比較弱, 而呢樣野都唔係無辦法解決的

2008-11-20 09:44:26 補充：
你可以試下用keyword去記住人地講既野
例如有人同你講今晚去邊度邊度食飯, 果度有咩菜咩菜好好食, 你個位置係起乜野乜野附近, 你會見到咁樣咁樣同咁樣咁樣既野, 裡面d人又點樣點樣.....#@%$^%$&$^#%
講完一大輪之後裡面好多野你唔係事必要知道, 亦唔一定需要記得....

所以你可以起呢一大堆野入面取一d重點, 記住d keyword, 比如時間, 地點, 菜式, 位置

2008-11-20 09:44:32 補充：
例如起果堆野入面只重點記住 "7點", "尖沙咀", "日本菜", "寶勒巷neway隔離"
你只記住呢幾個字....慢慢再重組其他細節既事情, 會比較容易記一件事

再舉例, 我在上面講左一大堆廢話, 你只要記住 "記重點" 呢三個字, 再回想上文既細節, 就可以比較起日常生活運用 "記重點" 呢一個方法

加油!