前輪推動,後輪推動和4輪推動汽車有什麼不同?

假設全部前置引擎
1.前輪驅動,車呔損耗約(前)8:2(後)
入灣準,低耗油,不過高速轉灣有可能推頭,所以大部分經濟型用車都會用佢,同埋前輪驅動都係呢廿年既技術,因為以前未能克服動力與轉向二合一既技術。

2.尾輪驅動,前後分力最平均,車呔損耗約(前)5:5(後)
大部分跑車都會用尾驅,由於尾驅,車頭冇咁大負荷所以高速時入灣會比前驅車轉向更好,不過佢比起前驅車難開少少,因為你放極力子太快,或尾大力過頭就會失控(如果你控制到佢就叫飄移)

3.四驅車,返到屋企先打埋~

2008-11-04 23:27:52 補充：
3.四驅車,車呔損耗約(前)6:4(後)
最咬地不過最大食,起碼比普通車貴60%,不過過灣時由於四個車輪都會動力,所以高速過灣都唔會跣,而家佢最大功能係比你去D冇路又或者D路好爛既地方,比如入森林,大陸,甚至過河,個D地方好多時都會有於泥或流沙,如果入左去食住左其一個車輪,架車會食住係入面出唔返黎,四驅系統係呢個時候最大作用,基本上城市用四驅車有D同錢過唔去,而且用唔著(除非係工程車),不過而家呢兩年車廠都開始出城市用既SUV,電腦會自動開關四驅,平時會用前尾驅,到行爛地時可以比你手動/電腦自動介入四驅系統,做到節油又同時保留四驅功能。