我想問下我打咩位好!!!

其實你可以選擇既位置好視乎你既體質,射波準唔準可以練~你宜家先小六根本唔使定死自己打咩位住~出去比賽,打內線既身體一定要強壯,因為打內線無論接波同攞板都要同人卡位~你話自己籃板ok係因為你夠大份卡到位搶定係因為跳得高呢,係兩種唔同既情況,你有身型既打內線可以,如果只因為你人高或者跳得高打外線係好d~同埋,真係出去打比賽,除左快攻,上籃既機會係少之有少,我諗你所講既上籃準應該係平時玩玩下咁打,真正比賽既時間摌到入籃底上籃可能你要second time避手上或者放高籃你先可能有出手既機會~其實你問得打咩位你都係想打比賽o者,首先既一樣野係要學好所以既基本野,你宜家先小六,到中學你都唔知自己既身體條件係點,你矮既唔通要你打中鋒咩~而且打比賽好多時係因應戰術黎定位置,中鋒一樣會上高位甚至三分線起手~仲有一樣野你無提過,就係傳波,呢一樣係打波最重要,找空位交波係打籃球最基本既野~一定要練好...打任何位置都需要~

由你宜家所講既資料,你可以選擇打小前,不過前提係你不能太矮同埋要夠靈活,係外線搵突破既機會,可以衝搶籃板~

如果你打小前,你要立即做既就係學識突破分球,唔係話你過左人去唔到先傳,係過人前先預測對方既動作,過完會唔會有人double team, 入籃底內線會唔會升上黎block位,做兩手準備,過完一個後睇下空位係籃下定外線,從而選擇繼續突破定傳去空位既隊友~

我覺得你應該打前鋒,因為你既過人技巧都唔錯!!

哈哈哈.....
小6唔好問打咩位啦xd
點解?
因為你都未發育
唔知身高體重係無人話到比你知打咩位架!!!
nba好多球員都係細個時比較short被迫做控衛
點知發育後高人一等要做大前鋒xd
所以e+最好係練基本功
香港人好多時都係無咩基本功...
用身體去打波- -

你冇講到你身高同體重,我唔知你有冇對抗性
同埋你上籃20入19係有冇人mark,如果冇人mark邊個識打籃球嘅唔得呀=.=
不迥就咁睇你打小前鋒啦,因為你話上籃多啲,而且你射波都唔係話特別好

做wing 啦, 你懂得過人, 上籃好準, 啱曬
想再進一歩, 多練走位、3分, 作為wing, 走位是必需的, 3分有70% ok喇, 可以迫人出3分圈mark你, 令你有更多位過人, 唔mark當然說聲多謝就射啦!

我想你可以試下打大前or小前..總之係前鋒...因為上籃對前鋒都幾重要