寫一封投訴信,不滿大廈管理員態度非常差及不理住戶

希望各位可以幫我打一封投訴信
投訴內容如下:
日前家中走失愛犬,但到管理處詢問時,個管理處一個人都冇,出左去食飯,等到佢(管理員A)返黎,就什麼都唔知.
有一個管理員(B)好心幫我貼上尋犬啟示,但只貼上5天就不見了,愛犬都未搵返,我問個管理員(A)佢就答我咩都唔知,岩岩先返,唔知邊個攞走,有咩要問自己打比業主立案法團搵丫主席問,咩都唔關佢(A)事,我問佢攞hotline時佢(A)就比返管理處個電話我.
咁我第二日打hotline時又係佢(A)聽,佢(A)話冇黃生,我話這個號碼同個名字係佢(A)比我,佢就一次差過一之既態度去答我,你有咩投訴,自己落黎攞投訴紙,問佢叫全名時,佢(A)就只係話個姓比我聽!
電話打去都可以咁做,咁我寫投訴紙又有咩用丫,同埋我唔係想嘈,只係想大廈幫我貼上兩張尋犬啟示,幫助我愛犬早日尋回,何苦去留難一個失去愛犬又無助既女人,同埋個管理員(A)可說係隻手遮天,平時已經經常大無私樣咁喺當更時候睡覺!
貼上一張幫助尋回小生命既啟示也要除去,一張紙,幾個圖,十個餘字真係咁阻礙空間嗎?
請各位幫幫我手打一封投訴信,同埋我需要附上什麼証據去說管理員(A)辦工時間內失職嗎?