為何有些廣告是上下黑屏幕

係 16:9 既效果


16:9訊號係有分真正16:9(anamorphic)同埋其實係4:3既letter box.

其實DVD都存在這兩種方式的,如果DVD盒底有寫anamorphic widescreen, enhance for 16:9 TV就即係有真正16:9格式收錄同埋letter box收錄.以下講講兩種格式的分别.

真正16:9訊號

用16:9電視來播放的話畫面比例會正常,除非係播放2.35:1比例既電影,否則不會有黑邊

用4:3電視播放的話畫面就會被拉高,在16:9電視沒黑邊的訊號用這種方式在4:3電視播放一樣不會有黑邊,但畫面會變形.想試好易,只要在DVD機設定電視係16:9就會見到這種怪現像.有部份較新款的4:3電視會有16:9模式.可以將畫面壓翻扁至正常比例.雖然驟眼睇落去都有黑邊,畫面也是一樣大小.因實際上畫面係細緻好多的,因為電視機係將所有掃描線壓翻去16:9的畫面上,而唔係係好似另一種letter box咁嘥晒啲掃描線在畫面黑邊度.

Letter box 16:9訊號

其實佢跟本就只係4:3訊號,只不過將上下塗黑配合16:9畫面

用16:9電視播,畫面依然有黑邊,而且影像被壓扁,解決方法有幾個.

1.用電視的4:3模式,畫面會被壓窄,變咗上下左右都有黑邊.但影像比例會正常翻.

2.部份電視有zoom模式,可以將畫面放大,上下左右的黑邊唔要,這似乎是最好的方法,缺點係如果字幕係放在黑邊就會唔見咗,傳統4:3畫面(即係冇上下黑邊既),就會被切去部份畫面,影像比例一樣係正常的.

3.這個方式其實是針對沒有黑邊的4:3畫面,部份電視有stretch模式,畫面中央的比例會維持正常,但旁邊的影像會被拉長至整個畫面.由於主要是睇畫面中央,旁邊影像有變形影響唔係咁大,之前又話等離子電視會燒印,所以都好多人用呢個方法.

用4:3電視播

好簡單,就係你依家睇緊既模擬電視畫面,上下有黑邊,只利用到電視機中央的掃描線,畫面比較粗糙.唔適合大呎吋電視機.



當你轉咗用數碼廣播後,就可以跟據你電視的比例選擇真正16:9訊號或者letter box 16:9訊號.