Panasonic FX-30一問...

夜景多顆粒的最大原因係用咗自動iso.因為相機唔知你有冇用腳架,為咗避免手震,會提高iso去加快快門速度,而加高iso的副作用就係多顆粒.
唔夠光就係因為你開咗自動閃光燈.
在低光的場合用自動閃光燈,相機會假設你淨係想影到閃光燈影到的地方,會提高快門速度避免手震.於是閃燈閃唔到既地方就會黑.
閃燈的有效距離是很短的,要影景幾乎肯定冇用.
唔想咁樣,只要關閉閃光燈,相機就會知道要靠現場光,減慢快門,於是背景就唔會黑,但係長快門易手震,所以要用腳架或者其他方法固定相機.襟快門亦唔好就咁襟,要用兩秒延遲拍攝.
iso唔好用自動,要用iso 100,咁就唔會有顆粒,不過FX30最長曝光時間只有一秒,有啲較暗既地方有機會唔夠光,咁就唯有用iso 200.
想用閃光燈都得,但係唔好用自動,要用夜景人像,咁相機會用閃光燈之餘也用長快門.
要留意夜景人像由於閃燈色溫跟現場光不同,會令背景偏色的,如果前景有合理照明,最好唔用.

2008-11-04 09:20:05 補充：
我要更正一下,FX30最長曝光時間有成60秒,唔會有快門時間唔夠長的問題.