想請問落妝步驟

你有可能同我一樣....唔係咁岩用油黎落妝..我用油黎落..一定會起粒粒....之後轉左用o者o里 or水既黎落就無左呢個問題了!

應該係你落妝落得唔乾淨!!!
我都用過FANCL納米卸粧液.用完之後生暗粒.用完一枝巳經冇左用.依家改用bioderma既卸妝水.好用.亦都冇生暗粒.之後我再用ettusais既洗面皂.用完之後好乾淨.

我之前都有用FANCL 納米卸粧液，初初用好好，用用下就開始生粒粒，而佢既潔面粉唔係洗得太乾淨!

我有個朋友早幾年用過你講嗰D產品後產生過同樣問題, 唔係話呢個牌子D嘢唔好, 但就未必人人啱用, 介紹你用一隻洗面cleanser - <Cetaphil>, 姓質温和冇香料同非梘姓, 任何肌膚都啱用, 可以用嚟落同洗面. 如有化先用佢(唧3至4下)捽勻全面後用化棉輕輕拭去, 有用防水睫毛液嘅可唧一些塗在睫毛位置(梗係要瞌埋眼啦)等一陣再抹去, 之後再唧多兩下照平時洗面咁捽勻再以温水洗淨後搽上護膚品就得. 初初用你可能覺得洗完面冇用嗰D起哂泡嘅嘢咁<爽>(陰公, 你重洗兩次添), 但正係因為佢够gentle唔會過份, 所以唔會刺激皮膚分泌過多油脂因而搞到出粒粒, 放心用啦!

特別聲明並非賣廣告, 祇係我介紹過比好多朋友用, 99%都高度評價, 以前香港冇得賣我次次番加拿大都孭一大堆番嚟做手信, 而家香港週圍都有得賣, 好方便, 一般唔係太細的葯房都有得賣, 一枝16安價錢由八十幾至九十幾不等, 可用最少兩個幾三個月, 抵到震! 希望幫到你啦!