我想今晚同老婆講離婚....

之前既事係咁的：
----------------------------------------
我真係唔知應該點做了。

事情是這樣的，我的太太最近轉了職，之後經常和他的老細一齊。
最近佢地兩個一齊出trip返來，就成日兩個人約會了，我的太太對著我也好像變得不開心似的。
而且經常在我面前講同佢冇野，佢係一個好人來的，係咁多，冇其他野。

最近幾天，情況更加不妙。佢生日時，我訂了檯和他吃飯，到了約定時間，佢神神秘秘打畀我話遲一些到，其實都知道佢又同老細一齊了。出現後，我扮冇野，問下佢做乜遲，係唔係等埋老細先走，佢都直認不違等埋佢一齊打的。

成餐晚飯，佢都係一幅唔開心既樣。食左一陣，佢就玩SMS，之後同我講有個女性朋友咁岩在附近，話想去同佢坐一坐，問我好唔好，我梗係話好啦，其實亦心知佢都係約了老細吧，就叫我某個時間在車站等佢。
佢見完個老細之後來找我，個人都真係突然開心左好多。

返到屋企後，我好衰咁搵機會睇佢既SMS，果然唔見有佢既女性朋友對話，老細對話就有。
佢竟然同老細講，餐晚飯食得唔係幾開心，想同老細食野，問佢係唔係重在附近。
佢老細話係在附近，如果佢想食飯，絕對冇問題。重問佢咁老公如何呀，係唔係返左屋企等等‥‥‥

再睇返之前既SMS，真係有好多超出老細/下屬既SMS‥‥‥

你地話，我應該點做﹖開聲同佢講清楚定點﹖
----------------------------------------------------------------------------

上次同佢講完我知呢件事之後，佢就搵個藉口同我講係因為公司既野唔開心，同我講又乜都唔知，所以先搵佢。而因為唔想我唔開心，所以先同我講約左某個女性朋友，同佢真係冇野。
其實我都想挽救呢段感情，所以即使幾傷心都試下畀機會佢。不過呢兩個月，情況更加過份，我成日偷睇到佢既SMS，次次話同同事、朋友飲野，其實都係約左佢。有次同我講約左一班同事飲野，結果都係上左個老細屋企，重叫老細煮埋野畀佢食。
前日佢既SMS更離譜，我尋日會在大陸開工，佢竟然同老細講話我唔在家，可以約會。個老細答佢好夜先返，如果佢上佢屋企過夜就冇問題。老婆既回覆係我有時會打屋企電話搵佢，叫個老細不如上佢屋企。唉，竟然玩到咁大，叫埋人上來。而且亦都已經講好左聽日我又唔在家，又約定聽日見。

我知成日偷睇佢既SMS係我有問題，係犯法的。不過我都係想知多一些佢到底打算點做。
而家已經知道了。我亦知道大家分開會係一個最好既選擇。
今次我竟然少少傷心既感覺都冇，可能我上次已經死左心吧。

而家問題係，我應該點開口﹖
始終都叫做做過兩公婆，都無謂去得太盡，只想佢明白大家之間有問題存在。
而個問題唔單止有第三者，還有就係我已經唔再信任佢。

同埋我又唔想執野返娘家住，因為爸爸媽媽年事已高，真係唔想再刺激佢地。
如果我叫佢執野走，返娘家或者去老細度住，又會唔會太過絕﹖
咁有冇什麼機構好似家計會等等，可以畀我執幾件衫入去訓下﹖