練肌肉結實and三頭肌問題. 20分`

首先，練得個一個月只係好短好初期，唔好咁快就諗住 d 肌肉會又大又靚。d 大隻佬動不動要練幾年至有澎湃的肌肉。二來，我唔建議初學者自行在家舉啞鈴的，因為你睇唔到/唔識分自己個動作做得正確與否，往往做錯了都不自知，唔單止影響效果，重可能會受傷! 所以最好去文康處轄下的 gym 學可基本功先，再唔係請教學校的體育老師又得。言歸正傳：我e家`15歲 男仔 177cm高 61kg 重標吾標準?計算 bmi (body mass index) 的話，數字是 21，男性來講係標準。最好有video/圖 比我參考下 點樣先可以令到二頭肌 同 三頭肌 結實 同有線條!!個別動作點做，我係唔會教你的，上面已經講明，一定要教練或真正懂得舉啞鈴的人，親身教你同埋執你個姿態，否則你錯左都唔知!

睇 video 同圖片，只係對已經適基本功的人有用，對唔識的人和初學者來講，無人教又勉強照住去做的話，反而危害更大!不過有 d 大路的心得可以同你分享：1。一般練大隻的話，每次鍛鍊一組肌肉，分 3 組舉鐵，每組舉 8 - 12 下，而每次鍛練後該組肌肉就要休息最少 48 小時。

2。啞鈴的重量要適合，要揀一個係你有能力最少舉 8 下，又唔可以輕到舉完 12 下都重可以繼續，過輕或過重都不利增肌。3。要食多點碳水化合物及蛋白質，前者提供能量，後者則用來建造肌肉，兩樣都好重要；4。充足休息，要增肌的話，就要有充分睡眠。每晚睡 8 小時係標準，專業的健美先生甚至訓得更多的；
5。要肌肉有線條，唔單止要增肌，重要做帶氧運動，至可以突現出線條。每星期二至三次，每次 30 分鐘或以上即可。

你現在只係 15 歲，身體必然有多少 baby fat，而且肌肉未正式發展，唔需要急於練大隻的，建議多做一般的運動，例如跑步打波游水，增強心肺功能，強化骨骼，其實更好，到大定小小 (一兩年後) 至正式練大隻會更好，事半功倍添。




2008-11-02 22:16:00 補充：
<我日日都做 5組舉鐵 每組都舉10下>
做得太密了，建議改為隔日做，每次做 8-12 下，共 3-4 組，每組之間稍休 1 - 2 分鐘。

<我成日都會打波(籃球) >
這個沒有問題，籃球係好有益的運動。

<我見到我細過我1年 既表弟，佢既線條 同肌肉 都令過我`又 大過我..>
有好多因素的，好難話點解佢大過你。常見的因素有：遺傳 (有 d 人天生係好容易變大隻的)，營養 (可能佢營養比你好)，休息 (想增肌就必須要充分休息)，當然，正確的增肌運動亦好重要的。

都係那句說話：要做得好，有效果，一定要搵教練/資深的健身人士/學校體育老師親身教你，同埋執好你個動作，否則唔單只無效，重可能受傷甜。

2008-11-04 10:37:45 補充：
<同埋做20下掌上壓每日(可增加嗎?)>
做埋掌上壓，以及 youtube link 那個動作到無問題，不過都係隔日做，唔好日日做。幾多下就量力而為啦，因為呢兩個訓練都唔得調整重量。


<甘我改為隔日做`我既線條大約幾耐先會出到黎? >
一般三個月左右就開始有點線條了，不過真係要靚的話，無返一兩年都唔得。