學長笛的問題..唔該..40分

１。我想問長笛是不是有分級數
長笛係有分級數，多數人都會考皇家音樂學院o既試，有一至八級同演奏級之分。

２。如果是。是不是代表不能自學。一定要去找老師定琴行學？
樂器係可以自學，並唔一定要搵老師教，不過好多時自學o既時候有野錯左自己都唔易察覺，一直學左o的錯o既野都唔知，而且係學樂器o既初階段，模仿係好重要，要分辨咩係好同唔好o既音色都好靠聆聽其他人o既演奏，有老師教o既話，佢就可以提供專業意見，免得學錯左或者學壞左手勢都唔知。

３。如果可以自學。你認為我已經學識基本。可以有什麼樂章可以吹？
真係想自己學o既話，可以去琴行睇下o的長笛書，多數琴行都會將唔同樂器o既書分左類。因為唔知你o既程度去到邊，好難話你知買邊本書好，你可以去睇下o的長笛書，買o的有信心吹到o既書。

４。自學可唔可以考級嫁？
自學係可以以自修生名義報考，18歲以下考生就要由家長以監護人身份報考。

５。考級係點［簡單］講講就可以。
英國皇家音樂學院o既考試分四部分︰
1. scale︰考官會抽幾題scale考試書內o既scales、broken chords、arpeggios、chromatic scales等。唔同級數考試內容會有唔同。
2. pieces︰係指定考試歌內選3首歌演奏。
3. sight-reading︰考官會俾一份你未吹過o既譜你，大約俾幾十秒時間你睇，跟住就要吹出黎。
4. aural︰聽力o既測試，考官會彈一o的旋律，你需要唱或拍返出黎，高級o的要聽chords、音程、同答一o的唔同時代o既音樂問題。

６。最後。一支岩我的長笛幾錢？［買二手的好嗎？］
因為衛生問題，我唔贊成買二手笛。新o既長笛價錢由幾百蚊至幾十萬都有，初學o既長笛可以買一支二千幾蚊o既笛就足夠用到5級，好多初學者都會買yamaha o既211。幾百蚊o既長笛通常係一o的雜牌子，冇咩保障。一般人學到5級之後，老師都會叫你買過另一支opened hole o既笛，音色會比普通笛好o的。

你?做>m記m記m記m記m記m記m記m記m記m記m記m記m記m記m記m記m記m記m記m記m記m記m記 啦!