抑鬱症加焦慮症 好辛苦.......

首先, 你自己話焦慮症影響咗你好多年, 你係憑咩confrim 你真係有呢個病先 ? 你真係有睇過醫生, 由醫生親口同你講嘛 ??
如果唔係, 我唸你未必真係焦慮症. 但你好容易緊張同成日都好多野擔心, 就可以肯定.
如果你真係唔想再保持呢個現狀, 你最好同最快途徑係去睇醫生. 你可以先去普通科睇, 叫佢寫轉介信俾你去排政府, 咁樣就會平好多架啦 !

另外, 我見意你揾一d 心理輔導, 可以透過同輔導員傾計令想思維方式有所改變, 個人會容易d 唸正面既野, 亦對你控制情緒 & 焦慮都有好大幫助 !
如果你真係唔想食藥, 你可以試咗揾心理輔導傾下先, 應該已經幫到你.
俾一個心理輔導電話你, 佢地平好多架, but 你要打去排期先得架, 如果真係好full, 你可以叫佢介紹你其他果d
中文大學- 豐盛人生 電 : 2603 6079
仲有, 你最好要多d 做運動將壓力感抒發出嚟, 都會好d 架 !! 你唔會無朋友架, 只要你主動d 約下人出嚟, 總會有人出嚟既.
最後, 我會鼓勵你同屋企人講, 你唔講唔代表佢地少擔心咗架 ! 反而佢地會唔開心, 點解你有咩都唔同佢地講, 屋企人嚟架嘛, 有咩都要講, 咁樣佢地先知你做緊嘜, 佢先知道點樣先可以關心到你架嘛 !!
其實, 情緒病係好普遍既病嚟架咋, 就好似感冒咁, 會好返架 ! 只要你唔好放棄, 積極面對, 就可以好快好架啦 !
再有咩問題, 歡迎email 俾我, 我可以分享我既經歷俾你聽 !!
加油呀 !!

你都未睇過醫生，點解咁肯定自己有焦慮症呢？你應先睇家庭醫生，佢哋都可以幫到你。我就係一個好例子，都係睇家庭醫生醫好既。藥，係一定要食，先可以幫到你，除此之外，認知行為都好重要。相信醫生，佢哋一定可以醫好你既，否則，所有事都做唔到。

其實可以自救,不過你要有好多毅力同努力同忍耐先得.

你要知道初初因乜野事憂慮,因為個件事你無辨法去解決,長期情緒低落同擔心緊張恐懼,會令到身體發出警號,失眠,腦筋遲鈍,變得無自信,周圍事物提不起興趣.

你一定要比普通人用十倍堅強同意志克服同解決你既恐懼同困難.

你會覺得自己變得好耐弱,這個時候一定要需要親人既支持同關心,張你內心既感受所有煩惱講哂比佢地聽,聽下佢地比d咩意見比你,因你諗吾通解決既方法,就問問身邊人既意見,可能你諗通咗個件事,你成個人都鬆哂,可以好好訓番一覺.

如果你想幫到你自己,上網或者睇書睇下有關抑鬱症同焦慮症的資料,有好多書都有講這個症的成因同解決方法.

對於一d未知結果的事,就吾好擔心同焦慮了,周圍環境同人不會改變,只有你自己個心態去改變,對於改變不到的事,就要放開去,吾好固執同死纏不放,樂觀同平常心來面對,慢慢克服去,最大敵人就係你自己.

無時無刻都為緊一d事而焦慮,可以焦慮一年,二年,三年,終有一日你覺得好悶,好想改變,會睇化咗好多野.

唔使立即睇心理醫生著, 你應先去睇家庭醫生, 佢哋有 d 抑鬱藥, 試下得唔得先, cost 會平 d