✔ 最佳答案
其實成為會計師方法有好多, 但本人係比較建議完成本地大學會計系學位, 因為呢個途徑係最快亦係最受認可. 大會計師樓普遍係請大學畢業生. 中小型最少要讀完high dip或者asso. 所以有好既學歷係好重要, 唔係話有公開試成績就得.
我唔知你會視會計師為終身職業, 定係只係踏腳石, 將來搵份更高薪金的工作. 如果你的目標是後者, 最好有四大會計師樓(big4)經驗, 因為好多大公司會要求有big4經驗. 如果是前者, 你會發現做到高層的真的好少數. 做高層要搵客, 又要被客人追.
LCCI其實是會計的理想版. 現實的會計不會像LCCI一般理想. 現實版有可能要做到好夜. 會計主要做核數及稅務等工作. 核數要出去做野, 要睇好多文件, 而且要計公司每個P/L, B/S的項目, 又要做幾個test去睇公司有無做假數.
如果你要由LCCI開始, 條路會好長好長, 而且要考好多試. 有D仲係好難考, 我唔知你能否應付. 如果你夠16歲, 你可以考HKAAT, 先考ATE 8份卷, 再考ATE 4份卷, 之後再讀QP. QP有4個module加一個大考, 每個module都會有考試.
你亦可以報讀公開大學的兼讀課程, 好像是HKICPA認可, 畢業後可以直接讀QP. 但公大好少畢業生可以入Big4.
2008-11-03 08:35:25 補充：
話晒QP係HKICPA自己攪, 起本地認受性一定高. 香港承認LCC中級, 起碼公司請會計文員都要LCC合格, 但LCC學歷唔夠做會計師.
ACCA方面, 未有QP前起香港認受性真係幾高, 因為個時大學會計系畢業最快做到會計師就係考ACCA. QP出現後, 我唔敢話ACCA認受性差左(至少仲有人登廣告要ACCA學歷), 但HKICPA對考完ACCA的學生有好多限制, 反而考完QP, 有埋3-5年工作經驗, 就可以做埋ACCA會員. 而且只有獲得HKICPA發出practising cert的會計師才可以簽核數報告.
2008-11-03 08:35:30 補充：
HKAAT是香港另一個會計團體, 認受性都唔差, 但在HKICPA之下. AIA起香港比較少人問.
不過, 如果你想在香港做會計師, 我建議你考HKICPA.
2008-11-04 16:56:40 補充：
ACCA以前認受性高, 另外一個原因係以前的HKSA(即現今的HKICPA)和ACCA聯合舉辦會計考試, 只係考ACCA再加幾年工作經驗就做到會計師. 而且HKICPA同ACCA互認協議已經終止, 所以愈來愈少人考ACCA.
