我電腦的硬碟死了，保養只會換另一個硬碟給我，但不能取回內裡的資料，請問有什麼方法可取回呢？裡面的資料是很重要的。謝謝！

<我電腦的硬碟死了，保養只會換另一個硬碟給我>呢個係標準做法，保養只會換一個差不多型號/大小的 harddisk 給你，不會幫你救 data 的。點解呢？原因好簡單，保養只包個 harddisk 本身，不會包內裡的 data。而另一方面，要救回已壞 harddisk 上的 data，成本係極度昂貴的，逐 MB 幫收你錢的，一個 100G 的harddisk，救晒內裡的 data 動輒要十萬八萬 (!)，幾百蚊賣個 harddisk 俾你，有無可能包埋價值十萬八萬的服務？你自己話啦......<我的電腦只用了半年多，為什麼硬碟如此化學？>一般 harddisk 都絕少響半年內死的，真的出現了這種情況，通常係由於以下原因： - harddisk 受到撞擊。harddisk 讀寫緊的時間一旦受到振盪，例如自己唔覺得碰到個電腦，就好易壞了，這個要怪自己唔小心； - 長期使用 p2p，例如 bt 或 foxy。任何 harddisk 都有一個有限壽命，而呢個又跟你的讀寫頻密次數有關。harddisk 設計和生產時，預左你係做一般工作 (包括了打機)，但唔會預你 24/7 咁 bt 野的，否則就等於 overload 個 harddisk，大大縮短其壽命了，這個也只能怪自己點解要狂 bt？ - 出廠時有問題。早幾年某間大廠有某系列的 harddisk 的確會忽然暴斃的，結果那間廠都名譽掃地了，呢個有點莫奈何。<使我能取回硬碟內的資料>唉，節哀吧。要救會 data 幾乎係不可能的，正如上面所講，市面上有呢 d 服務，但係超貴，普通人家不可能負擔一大畢錢去救 harddisk data 的。
如果覺得 data 重要，應該自己做定 backup，現在 dvd rw 同外置 usb harddisk / usb 修指都咁平，又大又快又易用，真係無藉口唔做 backup 的，損失了的舊 data 只能當教訓了。