防蚤狗用品!! 謝!!

草叢常見的蚤，多數是牛蜱，可能引至牛蜱熱，會死的！
你可買隻滴頸藥叫revolution，約200幾一盒三支，每月滴一次，可到獸醫處買，元朗恆香後面間公平行，會賣平D！
revolution可防蚤、牛蜱、耳蚤、肚內寄生蟲和心絲蟲，好好用！
另外，如果你放隻狗去草叢玩之前，最好用frontline隻噴藥，噴個身、肚、耳仔附近、條尾等部位，加強防止牛蜱上身！你可在獸醫處，寵物店、公平行等或大寵物用品店買，約100多元！

我諗,你講嘅應該係牛蜱,唔係牛草!!
牛蜱係蚤嘅一種,佢哋係會喺草叢裡產卵,如狗狗沾上,牛蜱就會以吸食狗狗嘅血維生!!數量多嘅可以令狗狗出現貧血!!而有部分牛蜱係會帶有牛蜱熱嘅病毒,當帶病毒嘅牛蜱吸食狗狗嘅血時,會直接傳染牛蜱熱俾狗狗,而當狗狗不幸染上牛蜱熱,會出現發燒,貧血等症狀,嚴重嘅會死亡!!而醫治亦雖一段長時間,所以千其唔可以睇少牛蜱呀!!
而你朋友話有效防牛蜱嘅產品,應該係frontline plus,每個月滴一次喺狗狗頸背,藥劑會從毛孔進入血液中,當牛蜱吸食帶有藥性嘅血液後,牛蜱就會死!!frontline plus除咗對牛蜱有效之外,對一般虱,蚤都一樣有效架!!
留意事項:
1/狗狗沖涼前/後48小時內係唔可以用架!!
2/唔可以俾狗狗食or lam到!!
3/牛蜱係需要吸咗帶藥性嘅血至會死架!!所以如果隻牛蜱係帶病毒嘅,又咬咗你隻狗,當然牛蜱會死,但係都有可以已經傳染到牛蜱熱俾你隻狗狗架!!所以frontline plus只可以防牛蜱,以減少狗狗中牛蜱熱嘅機會,而唔可以防牛蜱熱架!!