請問Sony T700 點先可以映到景深 ??

做淺景深不離大光圈,長焦距,近對焦距離同一個遠既背景.
T700實際焦距最長先得24.7mm,屬於超廣角鏡頭,而且去到24.7mm,光圈已經得翻f4.6,前兩項己經冇希望達到,剩翻近對焦同埋遠背景,要滿足呢兩項唯有影微距,所以你見到的淺景深作品全部都係得呢類,影人就唔得架喇,咁近對焦可能只影到隻眼或者個鼻.
影微距既時候可以用人像模式另相機盡量開大光圈,zoom盡,盡量影近啲就得.
以下係部相機既規格,你可以睇到佢實際焦距係好短.呢個亦係一般DC影唔到淺景深既原因.
http://www.dcfever.com/cameras/fullspecification.php?id=1003

2008-11-02 17:56:33 補充：
拍微距的時候唔好用枱面做背景,咁會因為背景唔夠遠而冇乜效果的,可以把物件企高,水平咁影過去.只要背景有一呎遠左右,效果已經相當明顯.