好 gym

康文處轄下的 gym 就係最好的選擇，價格相宜，有免費教練，基本設施齊晒，更加唔會 hardsell，好適合初學者。除此之外，有 d 較具規模的社區中心都有健身室的，設備同康文處的差不多，都夠初學者了，價格都會平過私人 gym，亦唔怕不良推銷手法或斂財，更不用簽約或預繳，不過無免費教練了。除此之外，旺角區有一兩間小型 gym 的 (俗稱鐵館)，設備都足夠一般健身人士，亦好平 (每月 $300 有找)，有駐場教練，不過就無咁靚，殘舊小小，d 師兄會粗魯 d (沒有惡意的)，如果你接受到都可以考慮。我並不建議初學去大型連鎖式 gym，例如 california，一來無免費教練，俾錢請的話每小時收成幾百元 (!) 的，而 california 出名 d sales 好爛的，會騙你簽約同買好多教練堂，唔少人就係咁無啦啦俾過萬蚊然後又後恢。當然，其實 california 個場係好正，不過 d sales 真係好差，要自己識得做 gym 的人才好去，而且唔可耳仔軟，真係覺得自己想 join 至好，同埋唔好亂簽文件，唔可亂埋教練堂，更唔好幻想可以簽了合約後反悔或取消。提醒你：唔好自己走去做健身，無教練教的話，唔單止無效，重可能會受傷添!