香港人有多少有大學學位?

問得非常好, 不過响統計處既數字, 只係得大專人口的百分比, 即係證書, 文憑, 高級證書, 副學士, 高級文憑, 及專業文憑加理晒, 就係佔香港全總人口的15%.
但係我可以憑住我在香港三十幾年的觀察, 大約同你計一計:
1990年我中學畢業時, 香港只有兩間大學, 理工學院和城市理工搞咗少少學位, 不過少到不得了, 當時全港只有約五千個大學學位. 而我現時為35歲, 香港的平均死亡年紀為80歲. 那樣, 粗略估計, 全港35歲到80歲的人就有(80-35)*5000個大學生.
即是說: 全港35歲以上人仕的大學人口約為: 22萬5千人
約1997年左右, 大學學額急增至每年一萬四千人, 而大學畢業的年紀約為22歲, 亦即是28歲以下的人有大學畢業的就有(28-22)*14000=84000.
即是說: 全港22-28歲人仕裏的大學人口約為:8萬4千人
至於28-35歲之間的人仕, 平均每年就約有14000-5000=9000個大學畢業, 即在這個年紀範圍裏就有(35-28)*9000=63000人.
即是說: 全港28-35歲人仕裏的大學人口約為: 6萬3千人
將以上數字加晒佢就係香港有大學學位的人的人數了:
225000+84000+63000=372000 (即: 37萬2千人)
但是香港有些人是以半工讀形式完成學位的, 這批人其實不多, 因為現年35歲以上的人的成長文化裏近乎沒有進修意識, 就像我十幾年前話要半工讀, 都被屋企人和朋友報以奇怪眼光, 還被爸爸反對, 至於35歲以下的多有進修意識, 但係金庸風暴令他們每天的工作時間長達十數小時, 故此成功進修為學士的人不多, 我估計只有幾萬.
即是說, 現時香港的大學人口約為: 37萬2千+幾萬=40萬
即是說, 現時香港的大學人口百分比為: 40萬 除以 700萬=5.7%
所以現時大學畢業前途仍不太差, 因為全港只有5.7%的人有大學學位, 如果唔計果百多萬的退休人仕及二百萬學童,
在勞動人口中, 大學畢業生的百份比為11%左右, 即係每十個有一個.
但有一樣嘢要留意, 在現時的將要不斷退休的人當中, 他們只有2%是大學生, 但是將要新畢業的人當中, 就有15%是大學生, 此消彼長的情況下, 大學學位持有人的百分率將會在未來三十年內逐步升至15%,
即是說, 大學學位的吃香程度(競爭力)將會在30年後, 跌至現時高級文憑或副學位的水平, 而現時的高級文憑或副學位的競爭力將會在30年內逐步跌至現時的中五程度, 亦即是說, 大專畢業的人仕會在未來十年之後不斷被老闆覺得他們學歷追不上時代, 諸多壓迫, 想迫他們走, 又或不斷被要求降職之類, 過了四十歲之後, 會出現人又老, 又被後生仔趕上的無奈情境, 而到這時大專程度可能只能穩穏陣陣, 當個每日工作12小時的高級保安員或隊長, 大學畢業才能穏坐寫字樓, 這一點大家要留意,


2008-11-01 15:58:05 補充：
希望各位未有大學學位的人仕不要太驚, 因為你們若在這十幾年之內去追讀一個回來的話仍可保競爭力, 但是我想補充一下為何我有這樣無奈的估計:

因為自回歸之後, 特區政府將大專學額增加了好多倍, 在我以前的年代, 只有成績幾好,即係張會考證書有幾科B或以上的人才可讀高級文憑, 但現時變得普及很多, 當然在現時環境裏, 張高級文憑仍然好有用, 因為只有年青一代才普遍地有張咁既嘢, 35歲以上的人唔夠10%有大專讀, 但是, 現時的大專學額可以供應一半的中學生就讀, 亦即是說: 在未來十年內, 大專生人口的百分比會爆增一倍, 二十年後爆增到現時的三倍, 你話得唔得人驚呀?

2008-11-01 16:02:50 補充：
咁張高級文憑或副學位係唔係冇用呢?

當然唔係啦, 最少以現時來說, 高級文憑或副學位的競爭力仍不俗, 可以幫你揾到份好工, 再者, 你可以攞住個高級文憑去豁免學分, 令你可以在慳錢又慳時間的情況下取得學位, 我都係用個高級文憑豁免咗大學一半既學分來完成學位的, 可以慳好多萬亦可以慳好多年.

2008-11-02 16:25:07 補充：
我讀的是香港公開大學電腦及網絡學學位, 純理科.

BBA 係工商管理學士, BBs? 抱歉, 未聽過, 應該係新嘢.

有HONS, 冇HONS?

香港絶大部份的本地大學, 都係發有HONS的學位, 有HONS比冇HONS的學位一般都要讀多四份之一或三份之一咁多嘢, 在公開大學裏, 有HONS的學位要讀120學分, 冇HONS的學位要讀160學分, 在其他本地全日制大學課程裏, 個個學生都要被迫在三年內要讀好多嘢, 讀到有HONS為止, 如果該生成績太差, 就唔俾HONS佢畢業, 變成PASS DEGREE, 合格學士畢業生.

2008-11-02 16:34:48 補充：
冇HONS會唔會影響升學?

十年前, 入讀碩士課程最少要二級榮譽畢業, 冇HONS梗係唔收啦! 所以個HONS同埋成績好確實有升學既價徝, 不過現在我聽公開大學D教授講, 城大依家有D碩士課程冇HONS都肯收, 而家升學唔係一定要有HONS, 不過如果你個DEGREE有HONS, 而又成績好, 代表你實力比其他人高出一線, 取得碩士學位的成功機會大好多. 另外, 城大話肯收冇HONS的學士讀碩士, 我都只係聽聞, 未證實有D咁既事, 如果想讀有名氣既大學碩士課程, 有HONS仍是很需要的.

2008-11-02 16:43:29 補充：
差開少少先, 而家政府推行334, 就係唔想D學生被迫要在短短三年內讀到有HONS, 因為咁樣會變成水過鴨背, 就以電腦程式員為例, 過往確實有不少榮譽學位的電腦系畢業生唔懂寫出面的程式, 因為3年內要讀到HONS, 一定會有D水過鴨背的效果, 而公開大學的全日制學生就是以4年時間讀HONS的, 所以D友仔讀得冇咁辛苦, 亦有時間研究清楚D嘢.

2008-11-02 16:57:31 補充：
冇HONS會唔會影響就業?

到目前為止, D老闆唔多理會你有冇HONS畢業, 甚至連老闆都未必知有HONS同冇HONS有咩分別, 老闆最着眼係會睇你個DEGREE在那間大學讀出來, 又差開少少, 我點解讀OU, 因為佢個認受性OK , 政府亦認可, 但係OU唔係一間好出名既名校, 薪酬一定底過港大或中大, 咁點解唔讀D名D既大學? 因為要睇餸食飯, 我要計吓我有幾多公餘時間和我有幾多資質讀, 大學讀得太名, 合格一定會相應更加困難, 大學讀得太野鷄, 過關和攞A雖然容易, 但係讀完出來冇乜前途, 所以我一定要衡量清楚來搞,

2008-11-02 17:04:43 補充：
我覺得OU幾適合我, 雖然每十個學分要讀約一千頁書, 和做百幾頁功課, 要好有耐性架, 但係功課和考試都唔係太難, 又學到嘢.

但係我而家讀完個PASS DEGREE, 又追讀緊個HONS DEGREE, 亦既係讀多四十學分, 點解? 雖然我知道今日D老闆認為有冇HONS都冇所謂, 但係隨着DEGREE HOLDER在社會裏越來越多, 佢地遲早會明白有HONS同冇HONS既分別, 亦會喜歡有HONS既多D, 所以我要未雨籌謀, 而且我即使唔打算讀碩士, 讀多四十學分可以令我的電腦網絡水平提高, 應付將來的挑戰.

2008-11-02 17:06:34 補充：
還有一點比較重要, 政府裏一些比較好的職位, 一定要有HONS既DEGREE先會考慮.

TOPUP DEGREE 同 DEGREE 有咩分別?

E樣嘢, 我唔係完全清楚, 所以選擇唔答.

2008-11-03 16:09:50 補充：
第二次補充:

自十年前開始, 外國在港舉辦的大學課程多如天上星星, 除了最出名果幾間之外, 我唔係太識其他的院校的承認程度, 香港政府曾經話過, E啲外國在港舉辦的課程特區政府唔負責審核, 由個別僱主決定佢地認唔認可.

以我的小小見解和經歷, 首先, 在僱主心目中, 在港修讀的課程承認效果不比在外國讀好, 在外國讀出來的, 好多時都可以叫高D價, 而同樣地, 在僱主心目中, 在外國大學畢業是英文好的保證, 但係如果換轉係在港修讀, 即使係同一間大學, 都唔會覺得佢地英文特別好.

2008-11-03 16:18:56 補充：
在管理學上, 僱主通常特別BUY外國果套, 我有一個朋友在外國讀完管理學學位, 十幾年前回流返港, 中環有間律師樓請佢, 竟然係請佢做電腦, 佢完全唔識寫電腦程式, 公司俾時間佢學, 因為間律師樓想請一種又識電腦又識管理既人, 但係十幾年前香港跟本冇E種人, 一係請識電腦唔識管理, 一係請識管理唔識電腦, 請咗返來先叫佢在港進修, 但係個老闆信外國教育出來的管理學好過在港修讀的管理學, 所以唔肯請識電腦既人安排他們在港修讀管理, 反而要請外國管理學畢業的人, 然後叫佢在港修讀電腦.

2008-11-03 16:30:54 補充：
當然, 我以上所講的公司個老闆係世界知名的大律師, 信多D外國果套唔出奇, 在香港, 有些老闆仍然信港大或中大的管理學.

如果你真係修讀在港修讀的外國學歷, 間大學越出名, 梗係越認受性高, 正如有些中小企老闆, 都好似我咁, 你隨便講個外國大學名出來, 我都唔知佢响這個世界裏有幾勁, 即使你間大學好勁, 我做老闆既都唔知你勁, E個係好大問題, 所以你攞住外國學歷, 就最好去D大D既公司, 特別係外國FEEL重既公司, 佢地先知你勁. 如果唔係, 當左係野鷄就無謂啦!

2008-11-03 16:37:49 補充：
如果你想知你考慮既大學大概有幾出名, 可以上網用SEARCH ENGINE查世界大學排名榜, 裏面有頭五百名大學的次序, 我兩年前查過, 香港理工大學約四百名左右, 城市大學約三百名左右, 近來我睇過一個明珠台英文節目, 佢話香港大學現時排名全世界十六位, 係世界級名校之列, 如果你在港修讀外國大學, E個排名榜可以參考吓, 但係個排名榜唔係講緊DISTANCE LEARNING, DISTANCE LEARNING讀出來會打節扣, 你要留意.

2008-11-03 16:43:17 補充：
另外, 越唔出名既大學, 通常俾得越多EXEMPTION你, 所以學費會平, 越出名既大學通常俾得越少EXEMPTION你, 亦需讀得更耐, 學費亦會貴D, 如果係報世界知名既倫敦大學在港修讀課程, 即使有理工既HD, 佢都未必肯俾EXEMPTION, 而且考試仲會相應難D, 付出和收鑊都幾成正比架.