我想去澳門玩2日2夜....想問有咩景點可以去??

你可以去中旅社訂澳門酒店的: 酒店方面首選可以考慮位於南灣大馬路的京都酒店. 雖然只有3星級, 不過鄰近新馬路/福隆新街/議事亭前地/大三巴牌坊...等主要景點, 由酒店行路過去唔駛一陣就到. 第二選擇可以考慮京都酒店對落一條行的新麗華酒店. 3星級及鄰近市區, 而且最近翻新過. 如果想要平價賓館的話, 澳門議事亭前地新中央郵政總局果度有一間叫做新中央的賓館, 只需200元一晚. 另外澳門福隆新街都有好多100-200元的平價賓館架. 而且新中央賓館及福隆新街的平價賓館位於澳門市中心地段, 去大三巴/大炮台/澳門博物館/媽閣廟...等主要景點都好近, 行路去的話唔駛一陣就到.
當你從香港坐船去到澳門後, 你可以在澳門碼頭的旅遊局取一份免費地圖的.
以下是我去開的澳門行程給你參考:
DAY1:
早上抵達澳門後, 你可以在碼頭搭新福利3號, 3號A巴士或澳巴10號線去議事亭前地, 然後步行前往大三巴牌坊. 再行上少少就會見到澳門大炮台+澳門博物館(博物館逢星期一休館). 之後可以在大三巴再步行5分鐘去聖安多尼教堂及白鴿巢公園. (當你落完大三巴前面的樓梯, 面向大三巴牌坊時, 你的左手面有一條路仔, 沿路仔行5分鐘便到聖安多尼教堂及白鴿巢公園, 果條路仔有好多古董賣的). 中午可以在議事亭前地中央郵局附近的黃枝記食LUNCH, 主要係食中式粥類及粉麵. 下午可以到福隆新街睇下一些特色的街道(福隆新街在議事亭中央郵局對面的澳門民政總署旁邊的橫街入去, 整條街的門窗都係油上紅色的油漆), 然後在新馬路搭澳巴10號線, 在總站落車便到達媽閣廟及海事博物館. 之後可以去附近的主教山小堂. 傍晚可以落一落去位於新口岸的觀音像及宋玉生公園參觀. 晚上可以去漁人碼頭玩及到附近的新八佰伴SHOPPING, 新八佰伴頂樓有美食廣場, 你可以在那裡食晚餐. 如果你有興趣睇賽狗的話, 晚餐後可以在新馬路搭巴士去拱北, 在紅街市附近下車然後行一段路去逸園賽狗場, 入賽狗場只須10元的入場費, 憑入場券可投注一次. 賽狗場門口有好多大排檔的, 可以食埋消夜才回酒店. 回酒店之前順道去埋賽狗場附近的三盞燈睇特色街燈.

DAY2:
早上可以去盧廉若公園及二龍喉公園舒展一下筋骨. 二龍喉公園係有纜車上松山燈塔的. 燈塔旁邊有一間聖母雪地殿聖堂, 始建於1626年. 之後可以搭車前往氹仔, 你可以在氹仔的益隆炮竹廠下車, 到龍環葡韻睇萄國的特色住宅(此處是澳門八景之一), 整座building富有萄國的色彩以及用粉綠&白色為主色. 如果想入埋屋睇的話, 最好是在星期日及5時前去到. 因為在出面睇座building係唔駛$$, 入屋參觀要比入場費, 而星期日入屋參觀是免費的. 中午由官也街行大約10分鐘便可以去到富有中國色彩的花城公園遊覽+食Lunch, Lunch後去四面佛. 下午茶可以去大利來記食馳名的豬扒包及絲襪奶茶, 不過最好要在3:00pm前霸定位, 因為大利來記每日3:00pm會有新鮮的豬扒包出爐, 到時會有好多人去食, 遲D去的話就會賣完無得食架啦! 之後去返官也街買手信, 你亦都可以去官也街9號A的莫義記品嚐特色的三色大菜榚, 如果沒有記錯的話, 應該6-7元就有交易(營業時間至晚上七時半). 晚上可以去附近的熊貓餐廳食地道的萄國菜. 請緊記要預鬆D時間由氹仔出返碼頭, 因為預左會有少少塞車.

DAY3:
早上可以去路環的黑沙灣OR竹灣等海灘踏下水, 之後可以去路環西部的石排灣郊野公園行下山及去郊野公園內的土地暨自然博物館. 中午出返去路環市區的聖方濟各教堂, 教堂前有一個具葡萄牙傳統風格的廣場, 廣場兩旁設有餐廳和咖啡廳可以食Lunch. 另外, 還有一座紀念碑, 紀念路環市民在1910年戰勝海盜的事跡.
如果在澳門乘巴士前往各景點的話: 市區劃一2.50元, 去氹仔3.3元, 去路環5元.

第1站
去威尼斯人酒店, 市區碼頭或氹仔碼頭門外均有威尼斯酒店的 shuttle bus, 參觀一下威尼斯這間全亞洲最大的賭場, 入住威尼斯 3:00pm 後才可以 check in

第2站
路環安德魯餅店,食正宗葡撻(唔好太早去,未出爐)
黑沙海灘,碳燒美食
於威尼斯人對面搭巴士26A,25



第3站
可以去氹仔市中心, 官也街/地堡街. 葡式大屋博物館(龍環葡韻)在威尼斯可以搭 15號 巴士小巴

如果行路, 在係威尼斯出左酒店正門轉左見到況外河-威尼斯人工河直行, 直行至車輛迴旋處, 行過對面馬路向左行, 遠望見一列葡式住宅, 由公園向內街下行, 沿路夾行出街口就是官也街. 的士大約 $20

氹仔市中心的地堡街官也街是葡國菜及手信的集中地
氹仔官也街和地堡街可以食到燕窩撻,葡撻,豬扒包同埋木糠布甸鄰近葡式大屋博物館(龍環葡韻)環境非常舒服,取景必到
大利豬扒包,位於官也街後一個巴士站對面(可乘33號,氹仔巴波沙前地18號)


山度士葡式餐廳 O Santos 氹仔官也街20號 28827508
葡國菜 每人$41-$100

沙度娜
氹仔地堡街195號泉福新村第1期第6座嘉裕閣地下AA舖
2883 8688
廣東菜、甜品 每人$40以下

小飛象葡國餐廳 Restaurante Dumbo
氹仔地堡街喜來登廣場地下A舖連壹樓全層
(853) 827-888
葡國菜 每人$41-$100




第4站
澳門新馬路市中心,

坐 11, 33 往澳門市中心和氹仔市中心


新馬路即澳門市中心, 人山人海的地方(福隆新街(手信街), 議事亭前地廣場(議事亭附近出名食店(義順炖奶,禮記士多, 頤德行李康記豆腐花等), 大三巴, 炮台, 澳門博物館, 民政總署大樓, 崗頂前地劇院,仁善堂)

澳門博物館~砲台~大三巴~議事亭 票價 澳門幣15元
到達的公共汽車有：2,3,3A,4,5,6,7,8A,10,10A,11,17,18,19,21,21A,26,26A,33
http://www.macautvl. com/sightseeing/

第5站
媽閣廟﹑海事博物館


第6站
澳門旅遊塔

巴士小巴搭 2/3/3A/7/8/8a/9/9a/10/10a/10b/23號

澳門觀光塔 電話：853 933 339
收費：58樓觀光主層：45元 (澳門幣)
61樓觀光層：30元 (澳門幣)
兩個景點都參觀，可購買70元 (澳門幣) 的套票。

喜歡刺激可玩百步登天/笨豬跳/高飛跳/空中慢步
旅遊塔 360旋轉餐廳, 景靚, 食物正. 訂船票時訂埋有 7折



第 7站
澳門紅酒博物館,實車博物館,金蓮花廣場



第8站
東望洋塔
位置在二嚨喉公園, 於大門口坐纜車到東望洋塔, 影相必到

由澳門旅遊塔去東望洋塔搭 2/5/7/8/9/9a/18/19號



第 9站
如果有興趣買成衣或者食緬甸野,可以去二嚨喉公園附近的三盞燈

雅馨/雅香緬甸餐廳
咖喱妹



第10站
漁人碼頭, 金沙

漁人碼頭位置就在澳門市區碼頭的右手面 (步行 10分鐘), 與金沙賭場 1 條小馬路之隔