咩係accumulator?點解d公司會因為炒accumulator炒到冇晒成副身家?

1-2: 所謂Accumulator (謔稱 “I Kill You Later”) 係一種以合約形式買賣嘅衍生產品, 為投資銀行與客戶近年興起的場外交易. 一般投資銀行會與私人客戶簽定最長達1年嘅合約, 大戶有權以指定價格向投資銀行購入某股 (亦可以係以外幣 / 金屬 / 期貨為合約貨品, 例如中信泰富事件中嘅 Accumulator 就係以澳元為合約貨品). 以港交所 (0388) 為例, 股價處於$258時, 合約指定價設於$220元, 咁大戶可以透過孖展以 $220元買入該股, 並即時在市場以$258沽貨, 咁理論上就每1手 (100股) 可賺到 $3800 ($38差價x 100般). 而成本只係一日嘅孖展利息. 可謂賺到笑.
3. 但係如果遇上金融海潚, 股價跌穿 $220, 例如跌到 $180, 咁投資銀行有權要求大戶以 $220接貨. 大戶一係就即時補倉, 資金不足嘅就要即接即沽, 以 $220元買入該股, 並即時在市場以$180沽貨, 每手蝕 $4000 ($40差價 x 100股), 損手離場. 咁樣沽貨亦加速該股跌勢. 銀行見股價再跌, 於是又要客人接貨, 咁客人就蝕得更慘, 要沽更多貨, 令股價再跌. 好似個漩渦, 輸死佢.
4. Decumulator (謔稱 “They Kill You Later”) 其實係Accumulator嘅相反, 運作大致如下：
投資者與投資銀行簽訂協議, 於未來嘅一段時間內, 每個交易日以固定價格售賣相關資產, 通常係股票或外幣（如係外幣則以固定匯率買入外幣）. 舉個簡單嘅例子, 假如一年有二百個交易日, 用匯豐控股嘅股票作為相關資產, 定價為每股HK$125, 每天售賣400股 (即HK$50,000). 如是者, 投資者首先於今天支付一筆按金（使費另計）, 然後從明天起每個交易日可出售400股（一手）匯控股票. 如果當日匯控嘅股價低於HK$125, 投資者便可即時在市場以市價購入匯控股票平倉而獲利. 假若當日匯控嘅股價高於HK$125, 投資者便會蒙受損失.
呢種新遊戲俾玩家係高位沽貨, 只要升唔到價, 佢哋贏到開巷. 但一旦股價升穿協議價, 玩家就要愈沽愈多, 蝕到反艇.
5. 如果你買咗Accumulator, 但見到勢頭唔對, 可能會蝕, 咁就會買Decumulator做對沖, 減少損失.

無謂考究點玩,你有錢就有人設新方法引你玩.手法高明D.俾你覺得好容易嬴,但一朝可清你袋,本利歸還,此乃高明之處.唔係讀禁多書做乜.坐係OFFICE閒閒地年薪千萬美金.此招已無人再落疊.他們又要發掘新招啦.日後大家小心.
ACCUMULATOR/DECUMULATOR對沖一齊玩實輸.你賺到某個位,銀行可即時終止合約,但你無權終止合約要繼續輸.
不要急功近利,不要大貪,賭場任你買,點解大部份人係輸?

1)accumulator係d咩黎?

用蘋果e個比喻黎講俾你聽
你簽左accumulator張合約,當時一個蘋果$10,你每日都要按規定買100個,當每個蘋果ge市價升到$15時,合約即時終止,但當蘋果ge市價趺ge時侯,無論蘋果ge市價跌幾多,就算係$0.1,你都要用$5 e 個價錢每日買一百個,直至合約完為止(可能係幾年)

2)點解咁多富豪炒?好易賺錢?
老實講,我都想知d富豪係唔係驚d錢會咬佢,要咁樣玩法,大佬,你唔想要錢你俾d我丫...

3)點解遇上金融海潚會輸得咁慘?
你就用蘋果個例子黎計,如果張合約係3年ge,你要接幾個蘋果?
你係大約要接37000個蘋果,何況係要0係一個100年一遇ge金融風暴度買股票ge accumulator!!!!所以accumulator係絕對可以令一個1000萬身家ge人蝕過億

4)decumulator又係咩黎?
又用蘋果黎做比喻,你簽左一張decumulator ge合約,當時ge蘋果市價係$10,你就要一次過入30000幾個蘋果,無論蘋果價格係升定趺,你都要每日以$112 ge價賣100個,當蘋果ge市價趺到$5時,合約即時終止,但當蘋果ge市價升果時,就算蘋果ge市價升到$20,你都係要用$12每日賣100個

5)accumulator同decumulator點樣同對沖一齊玩?
e個我諗樓主咁聰明,你應該諗到ge...