✔ 最佳答案
香港既學位課程絕大部分都有豁免年長生[matured applicant]既入學資格. 所以, 不一定要公開大學, 你有大把選擇!
揀院校/課程, 最緊要係你既需要. 首先, 試下問自己:
1/ 你既興趣同專長係咩呢?
2/ 你現時既工作經驗係邊方面呢?
3/ 你想係咩行業發展呢?
讀一個學位係十幾廿萬既投資, 兼讀[parttime]仲要幾年時間, 千祈唔好無的放矢, 人有我有!!
揀啱科目, 仲要睇埋認受性. 有d海外大學係香港有教學中心, 上課考試, 完全唔使搭飛機都攞到海外大學既學位. 聽落唔錯, 不過, 就要打聽埋口碑, 有d就多人讀但係難畢業, 有d就容易過關但係少人承認.
其實, 你想要學位來保障工作機會的話, 應該參考左行內承認d咩院校/證書, 先出去搵課程. 有d行業甚至不一定要學位, 高級文憑已經ok, 而著重實戰經驗. 亦有d行業有學位都唔夠, 要考埋專業試, 入埋工會. 所以, 考慮一個課程, 要諗埋呢方面, 要不要選帶實習既課程呢? 要不要選能豁免專業試/推荐或自動獲得工會資格既課程呢?
公開大學既課程勝在時間方便, 但要求學生有上佳既自我管理能力, 因為冇人會逼你返學, 做功課, 所以有d例子, d學生本身係懶散既人, 就讀好多年都畢唔到業, 結果嘥錢嘥時間.
===
由而家開始, 定一個目標, 為自己計劃好前途! 加油呀!