龜bb迎接第一個冬天一問@@

我唔抄文章比你la, 分享下我既經驗啦, 我而家養緊果隻龜由佢黎我屋企住始都5,6 年冇比佢冬眠, 細細隻果時反而我比佢冬眠過幾次, 但感覺好危險, 因為佢成日唔知醒, 醒左又唔識食野, tum 左佢好耐, 用左好多唔同野食先 tum 倒佢食野, 所以幾年前開始就唔比佢冬眠la. 但其實唔冬眠都有幾多野要注意ga ... 不如講講點樣唔冬眠先la

要用暖管, 恒溫果隻, 水量唔同, 大小唔同就唔同價錢, 大概50-100蚊la.. 金魚街有得賣, 多選擇, 恒溫果d 呢就唔會過熱, 熱親佢或者燙傷佢.
係呀, 水要過頭ar ... 但唔洗過太多, 等佢可以斗倒氣, 其實過頭唔係最大問題, 而係水要浸過暖管先得, 唔係支暖管唔 cum 用, 我果支用左3,4 年, 水會維持係 25-28 度
你果隻係巴西龜呀可? 因為如果係陸龜, 唔可以用水浸住ga woo...
可以放石比佢上水, 佢凍會識自己落返水度, 你會見倒佢係暖水度, 好舒服既樣, 好得意ga!
每日最少換一次水, 因為暖水易生細菌, 最好換兩次水 tim, 同埋每次換完水後, 係水裡面加入1-2滴 (視乎你個缸幾大) 龜精靈 (賣龜既舖頭就有得賣), 龜精靈可以消毒d 水, 等少d 細菌, 同埋龜龜飲左d 水都唔會咁易有病
濾水我諗唔洗la, 因為應該唔會去到要濾水咁多水囉
最好放佢係室內, 如果朝早有太陽就放佢個缸去晒太陽
大概都係咁la.. 有暖管通常都會平安過渡倒ga,.. 放心! 但要留意既係衛生問題, 一定要勤換水, 如果唔係龜龜會生病ga, 我果隻今年年頭過完冬後, 對眼就腫晒, 開唔倒眼, 應該係d 水太污糟, 嚇死我! 之後滴左成個月龜精靈先滴返好... 所以用暖管過冬的話, 一定要換水同用龜精靈滴落水, 保持衛生.
最後一樣, 要得閒放隻模下條暖管同d 水, 睇下暖唔暖, 同會唔會太熱. 有d 暖管可以較溫度ga,.. 有d就係default 左 25-28 度, 其實冇咩所謂, 唔會太熱就得, 希望你快d 做好準備la!!!
有咩問題email 我, 大家分享下 =)

2008-10-31 09:59:45 補充：
浸過暖管後, 應該都已經浸過佢既頭ga la.. 如果你果隻係 bb, 佢會不斷係咁游下游下咁.. 所你最好有一d 位有d 石仔.. 但又浸倒少少水, 等佢可以去淺d 地方休息下, 唔洗成日係度游.. 但細細隻, 其實佢都好易浮倒既.. 又唔洗好大地方做淺水區囉...

2008-10-31 10:07:09 補充：
同埋我果時比佢冬眠呢, 都間中會拎佢出黎比佢飲下水, 我唔知咁係啱定唔啱, 但見佢好乾咁, 我又唔忍心, 後來發現有d 人話冬眠都要放佢係淺水度, 咁我就唔知la.. 所以我都係唔比佢冬眠... 太危險... 我以前養過一兩隻都係冬眠後唔食野死左既 =....(
好傷心囉.... 呀.. 同埋佢地冬眠前係會大食好多ga woo... 你可以襯呢隻時候曹肥d 佢..

我無用暖管,我隻龜放在浴室,可能咁,都無冬眠,只係唔食野,隔兩日換一次暖水,少少水就得,到天暖就好快食番野,(同我的隣居比較)

基本上如果龜仔太細，　本身抵抗力唔及大龜，　在天氣凍的時候，　冷血動物會變得成日訓教，　唔郁，唔食野，　但如果之前未儲唔夠食糧就冬眠，　係好易一訓不醒，　我認為博唔過，　等佢大多三幾年會隱陣些，　我建議用太陽燈好些，　因為太陽燈有 uva , uvb 　, 可以代真正的太陽, 可增加鈣質同維他命, 而暖管要用水把暖管整支覆蓋, 要較多水先得, 一上水就凍. 所以用燈照會較容易掌握, 因為除了買支十元八塊的溫度計之外, (用來睇吓會唔會太熱或唔夠暖, 因要長期保持25-6度室溫, 28-30度水溫, 唔駛估估吓, 睇住溫度黎調教燈之距離 ,熱就放遠些, 唔夠就放近些) 其他所以野都同熱天時無分別, 又唔駛買瀘水器.
因為用燈令佢覺得天氣都係溫暖, 佢地就同依家一樣, 食得, 屙得. 所以都要一日換兩三次水, 因細菌會令佢眼同皮膚發炎, 得閒用牙刷擦吓龜殼同魚缸, 有真太陽就拎去曬, 記住一無就會凍, 即克要開番燈照, 唔係就會感冒, 一病就要打抗生素才會好, 所以要小心, 唔好放佢出去就自己出街, 我自己都試過, 出去個陣好猛太陽, 點知一番屋企天都黑曬, 終於要帶佢去醫生到打針先無事, 又要幾百蚊.
總之, 要成日保持住溫暖天氣就得, 唔好凍親佢, 就會好隱陣, 天光天黑都要保暖, 我聽過有網友問過夜晚可唔可以熄燈 ? 我想問番佢點解佢會覺得夜晚天氣會突然變番廿幾度呢 ? 唔開住燈水會不變凍嗎 ??

我自己都有養龜龜,想問下你的BB龜是在大魚缸or小的連蓋缸？

如果大魚缸放暖管後,我一向會有舊大浮石比佢上水呼吸&瞓覺,因為我隻龜龜好鍾意游水既,而佢又無要冬眠既跡象,所以會一直係大魚缸道養佢

如果你用既係連蓋小缸(即係養蜥蝪個D正方形缸仔),本身for你可以加保暖射燈,就算龜龜離開水,都會溫暖,你可以去金魚街睇下會有得賣