請問我可以點做?

我就好憎我老母
佢係一個非常自私既人,對子女尖酸刻薄,之後不停為自己搵藉口,話乜鬼野,比得多零用錢你地怕你地亂洗,但我就成日睇住佢點樣洗錢,但洗係我地身上既錢就少之有少,佢自己搵成萬幾蚊個月,零用錢比得200蚊
又唔尊重我,我話想買野,佢次次都唔問過我,就買埋D我唔鐘意既野塞比我
當然呢D就係我以前既事

好啦,而家我19歲,冇學返,冇工返,得中4學歷,佢一尾剩係狂叫我搵工搵工,真係叫到我火,乜鬼野都拎"你成人黎架啦,錢要靠自己搵"
我心想,咪又係你唔想比先咁講
佢完全冇資助過我去搵工,車錢又唔比,手提電話又冇,我成日出街僱主點搵我?
飯錢"每月"得500蚊
我想買份報紙都冇錢買,上網搵?上網費係我老豆交,我之前同佢講部腦壞左,但佢又唔理
就當我而家係冇電話同冇上網,又冇車錢,叫人點搵?
難道拎果500蚊出黎博一局嗎?

完全就係為難我

好啦,我承認我係同佢鬥氣唔搵工
電話我係有,電腦的確只係壞左一半,以上既野只係計算佢比我既野

我話唔想讀書,想進修下其他,比如學藝學武之類,佢一慨不給,而呢D野佢又全部都推晒落果句"18歲自己搵錢自己洗到",讀書我根本冇興趣,想學D有興趣既野都唔得,我覺得佢好唔尊重我

我仲未講完,佢係一年前嫌我老豆成日病唔返工,成日話我老豆扮病,然後又嫌我老豆搵錢少,五千六千左右,但每個月都要求我老豆比三千蚊佢,然後下下都掛住呢句"男人應該要養女人架"
最後當然離婚啦,佢又要我地兩兄妹同佢住,但搬左去後,起初就好好,然後當然又係佢唔識尊重我地,我地自願返去我老豆到住
我地就從來都唔會怨我老豆點,因為我地都知老豆窮
自從我地返左去老豆到住
我老豆又係照樣每月比3000蚊當租金我阿媽


因為我老豆住果個屋苑係私人樓,而個名係寫左我阿媽,我老豆成日都話自己冇資格申請公屋,冇資格申請綜援,就因為曾擁有過物業,但佢地都唔多同我討論呢D野

之後我阿媽都唔再理我同我個妹LU,下下都一句"你地去左你老豆到就梗係你地老豆照顧你地啦"每月只係丟低500落我到
我老豆就每月搵6000蚊,50歲人,比左3000佢
當然照顧唔到全家伙食,我地全家差唔多日日都冇飽飯食
而我老母走左後,為左減肥,去左一間叫"康寶萊"既傳銷公司,邊用佢D產品邊減肥邊做生意
一開波就入左成橦減肥奶粉,成萬幾蚊,話賣返出去好好賺,仲想拉我入去一齊賣
而我細妹而家就得12歲,晚餐成日唔食,午餐又唔知佢食乜,早上就間中飲佢果D垃圾奶粉,話可以代餐,成世飲奶粉都得
我地有咩病就係到問我地有冇飲果D奶粉,唔去正視我地既病
唔飲就理得我地去死,唔比伙食,然後都係果句叫老豆養我地
問親佢拎伙食,剩係識答兩句"飲奶粉囉""冇錢"
冇錢?唔係話好好賺咩,一個月仲吹到可以賺幾萬蚊,但次次都係話冇錢,仲叫我去一齊賣,我真係彩你都戇X

萬幾蚊都可以即時拎出黎入貨,但佢洗係我地身上既錢幾年加埋都冇萬幾
老實講,我真係想搵把刀斬死呢D人渣,錢仲重要過仔女

我想問,如果我去告佢"虐待"得唔得?

唔係告佢虐待我,係虐待我個妹
仲有我地既苦養權都唔知係邊個到,但照理就應該係我阿媽,但就唔知點解佢咁樣做仲可以咁樣逍遙法外,搞到我阿爸乜野都申請唔到,照顧仔女既責任就推晒係我阿爸身上,自己有錢就自己用晒佢黎買奶粉,買完就話"冇錢"

唔該正正經經咁答我,我唔想收到D教訓我既回覆,工我遲早就一定會搵,但事實上,佢比咁既"條件"我,我真係有可能搵到工咩?明知我老豆冇錢

我而家真係恨到佢入骨,我只係想懲戒呢D仆X老母,即使程序有幾麻煩或者對我冇利益我都在所不惜