點知係唔係真係無可能....

我都有同你差唔多既經歷, 開頭分手果時, 真係覺得冇左佢唔得, 仲好努力去改變自己, 希望自己可以做好 d, 睇住佢同第 2個一齊, 真係幾心痛。
不過當你放多左時間去 improve 自己既時候, 例如工作或者讀書上更加努力, 其實好快好快就會淡忘, 我覺得你先先唔好諗咩接受第二個人住, 因為就算咁快比你搵到一個人同你一齊, 你都只會當佢係水泡, 傷害多一個人。
好老實講, 你地點解會分開, 再o係埋一齊既機會有幾大, 你自己最清楚, 好多時第3者只係一個分手既誘因, 主因係你地感情本身出左一 d 既問題, 而只有你先知問題係咩。
如果你真係想追番佢, 我覺得係有可能, 不過會好難好難, 可能你要放低你既面子, 付出好多不問回報既關懷, 但係你要佢再鍾意你一次, 你就一定要比佢睇到你企得番起身, 你比以前既條件好, 你更加有自信。
真係到左果時, 你自己會有另一番既領會。
希望幫到你

係係度問應該等或是接受第二個,
我想.... 你想唔等又唔一家做得到,
你想接受第二個又未必放得底佢!
佢講野唔絕, 係想大家仍然係朋友,
唔想傷害到大家,
既然分左手,
就要接受現實!
我想.. 你可以開始接受新戀情時就開始,
唔好太強迫自己,
否則只會誤已誤人,
係這段期間,
你可以檢討下你同ex之間既感情,
檢討下自己有冇地方要改善,
避免下一段關係再重覆犯錯!