鄰居在我地不知情的情況之下, 用左我地屋企地址向財務公司借錢, 快o的入o黎!!!

陳小姐

2008-10-30 10:08 pm

我媽尋晚話日頭有兩個財務公司的男人上門按我地屋企個門鐘, 問有冇xxx(鄰居個名)呢個人, 我亞媽的回應就話冇呢個人, 跟住就關門, 我阿媽同我地講話冇呢個人就算, 唔好同佢地講話個鄰居就住響邊個單位, 其實我地一直都唔知原來果個鄰居向財務公司借錢用左我地屋企個地址, 直至尋日件事, 我家姐就話應該要同個鄰居講番, 唔好同佢瞞住件事, 要話比佢聽有財務公司的人按我地屋企問鐘, 同埋可能個鄰居都唔知財務公司的人已經搵到上門, 我家姐同我擔心o既係屋企的安全, 驚o的人會淋紅油, 我地都覺得點解個鄰居向財務公司會錢唔寫自己屋企個地址, 寫我地屋企個地址, 佢屋企係03號, 我地係06號, 個數字係好難寫錯的, 萬一我地有咩事咁點算? 咁大整蠱! 我爸話人係要面的, 我地講件事比佢聽, 佢就知我地知道左佢向財務公司借錢, 即係話叫我地唔好同佢講番有呢件事, 依家我媽就吩咐我地唔好踢爆個鄰居就住響邊個邊個單位, 以後有人上o黎搵呢個人就話冇呢個人就算, 咁其實咁樣做法o岩唔o岩?

回答 (1)

betty16101

2008-10-30 10:27 pm

✔ 最佳答案

你亞媽好聰明, 不與人結怨是上策, 但我唔以為佢故意報錯地址, 因為去借錢要住址證明, 例如水電費單之類, 我想可能是財務公司故意要鄰居知道他跟人借了錢, 讓你們去通知他, 變相迫他現身. 襯現在情況未發展至失控地步, 你可於夜蘭人靜時貼張字條在他門上通知他, 下款寫鄰居就可以. 如財務公司再上門, 告訴他們不認識那人, 如果你的居所有管理處的話, 告訴管理處整個事件, 著其留意陌生人不讓上樓, 當然也不能揭發那個單位借了錢.

👍 0 👎 0