究竟個男仔係點諗?(佢係咪鍾意我？)(最好男仔答，20分~)

同呢個男同學識0左一年(係同班同學)，初初同佢唔係好熟，只係見到果時會互相點0下頭。
但到今年三月，我0地被調埋一齊坐就開始熟喇！例如：
1. 成日都耍我、串我、同我作對、又笑我~
2. 我溫書溫得辛苦佢就會鼓勵我~
3. 我有咩唔識唔明佢就會即刻幫我(不論係生活上同學業上)~
4. 幫我整電腦(由佢屋企0黎到我屋企要一個半小時)~
5. 見到佢成日都偷望我(俾我見到佢就會即刻望去第二度)~
6. 又會成日同我打打鬧鬧~
7. 有時佢見我個飯盒無咩餸食，佢就會俾佢d 餸我食，有時仲會同我一人一半 share~
8. 肯俾我幫佢做 facial(即使有其他人望住)~
9. 我唔鍾意食/食唔落果d 0野佢會幫我食晒~
10.去超市買0野都會幫我做阿四~
11.一班人食飯佢都會坐0係我隔離~
12.曾表示過好享受同我一齊0既時光~
13.有人問過佢係咪同我一齊，佢就笑住答『咪玩啦！』
14.我約朋友食飯叫埋佢，佢都會出0黎~

其實，我都鍾意佢0家！佢又無行動，搞到我唔知點好~
終於，我忍唔住問佢『你知唔知我鍾意0左你』我見到佢個表情係好開心咁笑0家；但係佢就無答我任何0野。

之後，番到屋企佢 send 0左個 e-mail 俾我~
佢話佢其實一早都估到我鍾意佢，只不過唔想識朋友都要諗咁多0野，但而家唔想拍拖住：
1.佢話首先唔係鍾唔鍾意0既問題， 因為佢仲放唔低小學果時識0既女仔，唔想開始一段新感情(但佢同個女仔無聯絡好多年，只係記得同佢一齊發生過0既事，個女仔叫咩名，咩樣佢都唔太記得)~
2. 佢話而家以學業為重，感情唔想諗咁多住~

呢件事之後，我真係好唔開心，喊0左好多次，但係見到佢都會扮無0野。佢又繼續好似以前咁對我，無好0左/差0左。

咁多位，佢好似鍾意我咁，又好似當我係朋友咁，其實佢係點諗0家？我真係好想知呀！
請大家幫幫我呀！
(希望係你0地自己0既意見/親身經歷/朋友經歷，唔要抄襲！)
THX！