✔ 最佳答案
用十二格廁紙將馬桶底污水全吸走?
邊個教你架?馬桶底係有水浸住架,因爲需要用水來隔臭氣,如果冇水浸住就會有臭氣由馬桶底走上來,馬桶底已發黑係你冇洗廁所馬桶,可以去超市買 D 廁所洗潔精來浸隔夜,再用厠擦來刷,如怕细菌可以買 D 劍嘜消毒水來殺菌。
有 D 國家沖厠水本來就係咸水唔係食水,所以沖厠用既水係唔乾淨架,所以有浮物及黃水。
2008-10-31 06:21:05 補充:
照你所講可能係安裝問題,
1。馬桶既平水位走佐。
2。雜物由透氣喉走入來,因爲透氣喉在隔氣頂。
2008-11-01 08:53:48 補充:
查紀錄以前既師傅有記載
1。樓上(第六樓)出水喉平水走佐,導致樓上沖下既排泄殘留物湧入透氣喉而流落樓下既馬桶隔氣,佢唯有將隔氣改位就冇事啦,(只供參考)
2。馬桶隔氣太高,因爲你既係高咀馬桶,整到沖出既污水倒流,你只需留意沖水時既情況,隔氣水位係唔係開始沖水時低,沖水後會高,如果係就叫管業跟進
2008-11-01 23:07:42 補充:
到目前爲止,我都係相信平水問題,檢查馬桶後面出水喉既平水,如果你用 “P” Trap 形馬桶就時常有此問題,如果你用 “S”Trap 形馬桶就冇此問題,由於你既係新樓,除佐叫管業跟進就係搵建築商,再唔係就房屋署。