✔ 最佳答案
如果題目上既野係真, 那些生產胸罩和微波爐的公司一早被人告到破產啦.
1.有乳墊, 鉄線的乳罩, 長期配戴致乳癌. 2.常吃微波爐燒的食物, 致腸癌.
閣下提出的理由又十分奇特. 逐個睇下:
1. 乳罩內置海棉似的化學品乳墊及下圓藏鐵線, 都有射線(鐵更能吸走對人體有益的磁力)
第一, 咩係射線? 電磁波係射線, 即包括紅外線[會發熱] 光線[會發光] 紫外線 [令螢光物料發光] 微波, x光, 伽瑪射線.... 呢d全部要 能量. 無端端一塊海棉一條鋼線, 唔去加熱, 唔接上電源, 係唔會有能量, 亦唔會有射線. 個d咩所謂[遠紅外線]衣物, 冇接電源, d紅外線係來自你本人既熱力, 衣物只不過係將你身體d熱力[=能量=射線] 保存, 還番比你而已. 咁都有效既話, 普通一件羊毛衫一定好過[遠紅外線]衣物.
第二, 冇野可以[吸走]磁力. 而且, 人類不是金屬, 沒有磁力. 磁力就即係 [攝石] 攝得到金屬野, 或者令一塊金屬變[攝石]=[磁石].所以, 根本就冇所謂[健康的磁力], 咁又有無致病既磁力? 邪惡的磁力? 神聖的磁力??? 都係果d所謂[健康產品]生產商胡吹. 如果咁有效, d人用左d[健康產品]就唔會病啦! 咁你都信???
2. 既透氣差, 加上緊繃. 造成血液循環不良 3. 長期配戴.
嗯, 請問每日穿緊身高踭鞋的女士們有沒有腳癌? 請問歐洲中世紀著住勁窄腰封既女士有冇肚癌? 請問上中國兩世紀紮腳紮到訓覺都唔拆的女士有冇腳癌?
生癌有好多因素, 例如遺傳, 感染, 食物, ... 不過, 衣物就冇咩關係.
元素令食物燒熟了，元素也隨食物進胃腸，食物在腸道積久了, 連腸道都烹了，長期如此，便成腸癌...
咩元素令食物燒熟了?? 幾時既事呀? 微波爐能發出既係微波, 係同光線一樣既能量, 而唔係一件實體既[元素]. 燈熄左就冇光. 微波爐熄左就冇微波. 唔見得你個人係室外晒完太陽, 入黑房之後你個人會發光! 係咪.
微波烹調下, 食物中既份子冇錯係會出現化學變化, 可能變成致癌物質. 不過, 呢d係加熱既反應, 不單獨係微波烹調, 傳統既明火炒, 炸, 燒烤, 焗, 全部都有呢d反應. 微波爐可能令食物變出致癌物質, 咁燒烤同炸出來既致癌物質更多, 濃度更高.
癌率係呢幾十年上升, 係唔係因為d人食多左快餐油類? 定係生活節奏快左? 定係食物添加劑用多左? 污染嚴重左? 好多野都會令癌率上升, 有冇計算在內? 如果能以統計撇除呢d因素, 例如一個沒有微波爐但飲食習慣生活習慣相近既國家, 真係少d人患癌, 咁先至証明到微波爐係罪魁禍首.
明白未?
===
朋友, 睇來你既科學知識十分貧乏, 在下建議你由基本功學起, 睇多d科學既書, 係睇圖書館入面個d, 戒掉依賴電視和互聯網資訊. 理由好簡單, 電視和互聯網係靠廣告來維持, 而且, 要講得愈誇張愈多人睇, 譁眾取寵, 亂up 24亦在所不計, 反正又冇法律責任. 好多時散播呢d消息既源頭係別有用心, 散播既人好多就係人云亦云. 唔係話電視和互聯網唔睇得, 而係話唔好信到十足囉.
自保方法就係多d用下自己個腦, 唔好人講你就信, 要諗下合唔合邏輯. 例如上面講微波爐會產生致癌物質, 咁傳統煮食都會架, 單單不用微波爐不可以使癌症病發率下降.
2008-11-03 00:26:55 補充：
坊間的禁忌不一定全錯. 現今仍有很多奇怪現像, 是目前科學未能解釋.
不錯, 科學未能解釋的事還有很多. 不過. 凡是坊間禁忌你都 [寧可信其有]的話, 當禁忌與禁忌之間有抵觸, 你又能憑什麼去抉擇呢? 總之獨立思考和自我增值都係必需既!
2008-11-03 00:31:47 補充：
更有一些為了權衡輕重, 不敢大肆宣揚. 有時資訊太多,被遺漏/遺忘了. 有時是因為用家在沒有選擇下, 而衹好不再計較.
這就未免太胡混了. 你知道嗎: 米中確實有致癌成份. 那, 你要不要吃飯? 千真萬確. 只是當你一天吃幾十噸米, 就會到達致癌濃度, 就會得癌症. 那, 你還要不要吃飯?
2008-11-03 00:38:36 補充：
不是資訊太多, 而是資訊的可信性, 和問題的嚴重性. 流行中[危言聳聽]式的新聞, 源於傳媒的競爭, 爭取讀者注意嘛. 光看頭條當然會嚇你一跳, 但內容始終需要交代, 例如吃多少米才到達致癌濃度, 對吧, 就不能騙人了. 如果連資料, 出處都沒有附上, 更加可以不理: 如果有真憑實據, 怎麼不刊登出來? 對吧?
2008-11-03 00:51:07 補充：
繼續為殺癌盡一點力, 幫人幫己. 眼看癌很磨人, 無論直接或間接.
嗯, 這倒是真的. 能幫到人固然是好, 都要看幫的方法. [以訛傳訛, 人云亦云]不是好方法. 其實, 防癌有好多基本功, 大部分人都沒做好, 例如, 少吃油炸, 燒烤食物, 多吃新鮮蔬果, 作息定時, 戒菸少酒, 多運動, 避開污染, 排遣壓力等等. 好像老生常談, 聽落像囉嗦的媽媽, 其實才最實際.
想幫人, 你願意提醒身邊的人這些[瑣事]嗎?
