蘇Good 用既係咩獲？　有人知嗎？

果種鑊叫「黑金鋼」，普通什貨舖有得買，唔係好貴，好似１００元內，比生鐵鑊好用．我都買咗一隻「黑金鋼」，大size都係六十幾蚊，覺得幾好用，由於「黑金鋼」鋼水較薄身，故較適宜用來作煎炒的菜式，網上有回應說覺得「黑金鋼」都係黐底既，其實只要燒熱隻鑊先落油，就唔會黐鑊架喇！如果整炆燉或烹煮需時的菜式，則較適合採用較厚身的多層不鏽鋼鑊或傳統的生鐵鑊，不要以為一隻鑊就能走天堐啊！

2008-10-28 11:09:09 補充：
並未有燒紅？你試下放隻手入去試下D油熱唔熱囉！呢D就係用明火煮食同用電磁爐煮食既分別喇，用明火好快燒紅隻鑊架！你有冇睇到教煎魚果集呀？煎煎下仲要收細火添呀！

2008-10-29 12:01:08 補充：
我在北角一間缸瓦舖 - 華豐側面條街(隔離有間賣饅頭的店鋪)買的，17"賣$65，不過你可以check多幾間，因我見網上好多媽咪可以$5X買到。

2008-10-30 11:27:30 補充：
你有冇發覺亞蘇煮野個爐頭，同D觀眾煮野個爐頭係唔同架！亞蘇果個係D食市專門用黎整煲仔飯果D，D火「膨膨聲」架！加上D黑金鋼鑊鋼水又薄身，所以好快就可以燒夠熱的了；而觀眾煮野個爐頭就係屋企果D，你有冇發覺，亞蘇煮親野都好食過觀眾，故之然係亞蘇煮野有D蹺妙啦，但係大家可能忽略了「鑊氣」的重要性，尤其是亞蘇煮親的都是廣東菜，「鑊氣」對廣東菜的好壞是很關鍵的啊！

2008-10-30 11:49:36 補充：
隔住電視螢光幕，要知道個鑊夠唔夠熱，係用耳「聽」而唔係用眼睇的，唔係話要燒到隻鑊出晒煙至係叫夠紅，而係爆料頭時，如果D聲係「沙、沙」聲的，那就代表個鑊夠熱了；相反，如果D聲係「的、的」聲，甚至冇聲的，那就代表個鑊唔夠熱了，呢D只不過係烹飪技巧的基本功而已，就是連亞蘇都唔會教到的，睇你問的問題，斷估你都係烹飪初哥吧？

阿蘇用既係獲係叫大撚獲,係周中師傅發明ge!

2008-10-29 17:00:20 補充：
大 撚 獲

那隻鑊叫黑金剛，好多地方都有，但係一樣會黐底的 ( 我媽都買了)。
你可以到灣仔，堅拿道西，近“教協”隔離，唯一一間家品店，擺正在門前，寫明 “黑金剛”，size 唔同，便唔同，但大極都係 below 100元。
另一間在灣仔道，在大有大廈直望灣仔道街市入口，有一家品店“興記”，入門口右邊，賣各種鑊，你要自己找，有“黑金剛”。(但阿蘇亦有介紹過，在九龍城街市附近的家品店，亦有“黑金剛”！

但我在電視見到她並未有燒紅獲就放食物,但沒有黐底!