好想殺左我個衰老豆,我應該點做好?

我老豆係一個好衰ge人
又嫖又賭
賭到樓都輸埋
早幾年前我媽知道佢叫雞
嘈嘈下跟住就離婚啦
佢唔肯啦,
最尾都係離左但有條件
但媽要我ge撫養權
所以就講過遲d拎左公屋比個位佢訓

條友對個家咩責任都唔負
要講好耐先肯交下d費用
呀媽叫佢交少少費就係咁嘈
有時仲嘈到打交扔野
仲以為而家佢仲係大哂
我差d想打死佢
但呀媽拉住我

趕佢走又唔得
死痴爛痴,呀媽講佢爛命一條
唔會咁易走
報警又驚上報紙
留佢係度幫補少少雜費...

條友真係好督眼督鼻
佢一番到泥我同呀媽都各自入房
冇人同佢講野
我都唔知佢番泥做乜

朝早又阻q住哂我個廁所
搞到我番學遲
佢同我講野我都廢事應佢

成日得呢句
冇$$咪唔好讀書lor
又細到大都係咁
"叻人唔洗讀書"
佢真係 on XX
成日以為自己好叻
得果小學畢業學人識少少扮代表
見佢前面僧佢後面

我真係好唔開心
每日都見到呢個衰人
我真係唔想再見呢個仆X
我唔望佢死,
望佢自己走唔好再番泥已經心滿意足
我呀媽都係咁望
點先趕得佢走??????