有關會計進修

首先, 你知唔知自己將來想做乜工? 希望你好好面對現實. 唔好見人讀會計我又讀會計. 香港實在太多人讀會計, 你憑乜可以夠其他人爭得掂? 我唔係話睇唔起你, 但你要好好思考自己人生方向. 會計未必好似你想像中咁好, 可以坐下冷氣房做野, 又可以準時放工. 仲有, 你覺得做體力勞動工作前途唔好, 但讀會計一定前途好? 前途好只限有big4工作經驗以及考到會計師牌的人, 如果只有local firm經驗, 前途好難好.
做會計師要考好多專業試, 任何一份唔合格都唔得. 如果你英文差就更加學得辛苦, 因為教材、香港全部會計及審計準則、測驗及考試係用英文. 你自問有無能力可以考到?
想讀degree, 無辦法好得過讀本地大學或者部分外國大學獲承認的degree. 我唔理你用乜方法上, 中七好、副學士好定係高級文憑好. 因為去最大幾間會計師樓做好講究學生出身, 請人最起碼要有degree, top-up真係好少請, 況且個degree係唔係香港承認都係問題, 唔承認又要比錢再讀. local會請hd/asso學生, 但我做過一間差唔多全部係IVE畢業生. 你讀完degree最快要4年, 讀完都起碼27歲, 三十幾歲先考到牌. 會計師樓係比較喜歡請後生仔女的行業, 所以老好難有人請, 除非你真係好有料. big4更加唔喜歡有太多local經驗的人.
你睇多d會計基本入門書, 睇下自己是否真的對會計有興趣, 有興趣先報讀. 總好過你比完錢讀, 讀完一陣就發現無興趣, 最後可能考得唔好, 浪費金錢時間.
如果你只係想做會計文員, 最基本係考到張LCCI Level 2, 有d要level 3. 雖然中五學歷係最基本要求, 但無經驗好難有人請. 所以, 你應該好好想清楚自己應否入會計行業.
另外, 這裡任何人推介的課程一定要好好考慮應否讀. 有d只係識copy & paste, 有d係課程sales. sales當然讚自己課程好, 但選擇課程前一定要多聽意見.

你以上所講的學校認受性都不高, 讀完出嚟都冇人承認 !! 不要浪費金錢和時間吧 !!

如果你係想在會計方面發展的話, 可先報讀 LCCI 先, 再去考 LCCI !!

至於在邊間讀 LCCI, 梗係去明愛讀啦 !! 明愛係成人教育的名牌 !! 而且佢哋教得唔錯 !!
我當年讀LCCI Level 1 至 Level 3 都係在明愛夜校讀的, 唔錯架 !!

而且明愛咁出名, 佢哋都唔想做衰自己個名啦 !!

就算你未有LCCI 的証書, 你攞住張明愛嘅証書, 點都好過其他學店及工聯會的証書啦 !! 對嗎 ?

如果你去明愛讀, 佢哋會幫你報考, 當然你自己都可以報考啦 !!

到你攞咗LCCI 的証書後, 已經可以搵會計的工 !! 到時你咪可一路在會計這行搵錢, 一路吸收工作經驗, 仲可一路繼續進修添 !!係唔係 ?

有以下好課程推介

工商管理副學士 香港科技專上書院
商業學基礎證書 香港大學專業進修學院