寄禮物(頸鏈，介指)去加拿大(急問)

我就唔建議就咁用信封加波波紙包；用有波波紙襯底嘅信封再加波波紙包好飾物好啲。

咁做或者會包到件小郵包咁大，仲要寫報關紙（綠色嗰張）。

寄嘢嚟加拿大，寄嗰個唔煩，收嗰個可以好煩。要收件者無痛收禮：

1) 喺報關紙清楚列明郵包內物品名稱（英文）；頸鏈係頸鏈，介指係介指，唔好淨係寫飾物

2) 以加幣(CAD$)列明郵包內物品價值。匯率參考：CAD$1.00 = HKD$5.98，即係港幣價值除5.98等如加幣價值。

3) 唔想收件者向加拿大稅局進貢，記住喺報關紙剔「禮品」嗰格，而郵包內物品總值唔好超過加幣六十蚊。最好寫張送禮卡俾收件者，其實係做場戲俾加拿大海關睇，萬一俾海狗開箱抽稱，都可以話件郵包裡面啲嘢真係禮物嚟；請高抬貴手，唔好抽稅。

4) 送到手問題；視乎收件者地址個信箱喺邊同幾大。不過呢樣唔到你控制，你想知多啲先再答啦。

如果寄小飾物, 只要放入信封入面就得, 用波波紙包好飾物就可以.

通常冇掛號嘅郵件都係放喺信箱, 除非郵件過大, 收件人就要到郵局攞.

小郵包唔等於有簽收, 視乎你係咪寄掛號.

2008-10-28 21:04:38 補充：
寄小郵包唔一定有簽收, 除非你係寄掛號.

要報關, 填上包裹內容同埋價值, 再剔埋係禮物就得, 打唔打稅由海關決定.