巴西係唔係一個強大的國家?

樓主問左一個好得意既問題。巴西係南美最大既國家，佢雖然窮，幾個大城市，好似里約熱內盧、聖保羅等都有好多貧民區，而且人均收入唔高，整體來講唔算係一個富國。但係巴西係南美算係最生性既國家，你成日聽到阿根廷有獨裁軍政府，又有每隔十年一次既金融危機。而哥倫比亞、玻利維亞等又永遠立立亂，但巴西除左窮之外，你有無聽過以上既敗家野同巴西有關﹖唔單止咁，巴西同中國印度一樣，都想做一個全方位發展既發展中國家，而且仲搞得ok。巴西同上述兩國一樣都有開發太空科技，火箭雖然射得少，科技質量亦唔係好高，但巴西火箭都幾穩定，小弟無聽過出意外。另外巴西海軍有一艘航母聖保羅號，佢既前身係法國既福煦號。隻艦雖然舊，但仍然有用，呢樣野令巴西海軍係南美成為毫無疑問既大哥大。而巴西亦好似有向德國買左幾隻唔錯既潛艇，不過詳情要由各位高人細述。

另外巴西亦係近年大力發展金融市場，係所謂“金磚四國”之一，即係巴西、俄羅斯、印度及中國。巴西既經濟實力當然唔可以同中國相比，但講到新興四國而有巴西份，可見佢實力唔弱。不過，巴西既金融市場始終比較原始，聽聞發展都係老套地唔係咁健康，但近來既金融海潚又無聽講佢有咩問題，起碼無好似冰島及韓國咁大鑊。總之巴西雖然仍然係不折不扣既發展中國家，但佢係南美以致全球既發展中國家入面都係比較好既國家，但未來會唔會成為一方之霸就言之尚早。

以足球而論，巴西是世界上最強大的國家，曾五次贏得世界杯。