藏毒問題(請求專業人士幫忙)

唉, 又係K仔! 法庭鍳於愈嚟愈多青少年食K仔, 已經喺今年6月6日重新訂立販運K仔判刑指引, 大幅加重刑罰! 以前販運25克以下K仔判刑由法官決定, 5克以下都重可以當藏毒. 而家1克以上己經當販運! 呢個指引係每個法庭都要跟到足, 法官無得自己決定更改. 簡單嚟講, 1克以上就要坐監, 無走雞. 點解重咁唔識死!
根據上訴庭在2008年6月6日SJ v 許守城 (CAAR7/2006) 一案的最新判刑指引, 販運或藏有可供販運1克或以下的冰及K仔可以藏毒為交替, 判刑由法官決定. 1-10克判監2-4年. 10-50克判監4-6年, 50-300克判監6-9年, 300-600克判監9-12年, 600-1000克判監12-14年, 1000克以上判監14年以上.
裁判法院嘅一號庭, 係主要負責排期及轉案, 所以佢10月31日上庭, 法官係好大機會會將單案轉去地院審判.
1. 你男友販運3.5克K仔, 當佢60%純度, 即係2.1克. 法庭嘅判刑起點是2-4年監禁 (己超出裁判法院嘅最高監禁權力 - 2年, 所以會轉去地院), 所以佢應被判刑2年至2年半. 無得唔使坐.
(如果佢好彩係未成年, 就會判勞教 / 更生中心. 坐短d.)
如佢肯認罪, 減去認罪3份1折扣, 即係判16-20個月. 扣埋獄中行為良好折扣, 即係實坐10-13個月.
2. 有哂指引, 求情信作用唔會太大.
3. 你可在判刑當日交俾法庭書記.

其實你上庭可揾當值律師,費用$400.00,我唔知你男友幾大,同有無犯過其他罪,如寫求情信最好是家人及做嘢的老闆,如是讀書就揾校長及老師.