我想知: 曾蔭權當日係比邊個人所害, 在立法局死口話唔比老人家一千蚊 ?

因為佢 [一朝得志, 語無倫次].
佢一向自把自為, 佢認為自己係香港小市民嘅 [皇帝] [總統] [港督], 所以大小事務都唔需要聽你班立法會議員講, 小市民向議員提議, 希望政府加些長者生果金, 因為物價上漲, 十幾年前的生果金, 一直到今時今日, 都無加到合理水平, 生活艱難困苦. 於是立法會議員開會時, 就向 [皇帝] 提出加長者生果金, 不過亞 [皇帝] 唔啱聽, 因為佢認為佢嘅宗旨, 係只照顧地產商, 將啲錢用嚟請多幾個政治助理同副局長, 幫佢睇住個場, 以便有咩依郁閃失, 等班儍瓜幫佢頂住, 或者建多幾個魚池, 唔係將啲錢用在加長者生果金個度, 佢鍾意點做就點做, 唔鍾意聽你班議員講.
當日絕對無邊一個人害佢, 害佢嗰個人就係佢自己, 因為佢以為自己係 [皇帝] [總統] [港督], 可以話哂事, 點知道喺立法會度, 搞到比議員拍抬鬧, 同埋會發生議員掟蕉咁羞恥嘅事件架~! 今次佢低估咗班議員嘅實力, 正一係 [臉係別人俾, 架係自己丟]~!

曾特首咁掂, 才高八斗, 點會受手下老點呀? 好明顯全部都係佢自己肺腑之言.