不超過$2400的相機, 大家有什麼 好的介紹?

咁我介紹你買Canon IXUS 870 IS.約$2540
大廠出品,電量好.有好好用既28mm廣角同防震,仲有2cm微距最近對焦距離,3吋mon,640 x 480有聲短片.除紅眼唔知有冇,不過肯定有防紅眼閃燈功能.
以下網頁有相機既規格及用家意見
http://dcfever.com/cameras/database.php
講翻你兩個要求.
晚上影相黑係關乎操作多過部相機既問題.市場上所有相機都可以夜晚影相影得好光.影得黑只因為你開咗自動閃燈.相機就假設你只係要影閃燈閃到既物件,於是加快了快門防手震.遠景閃唔到自然會變黑.任何相機只要熄咗個閃燈就算用全自動都會夠光.不過快門長咗就要用腳架先可以影得靚.你一定要手持的話基本上冇邊部機仔可以影得好的.
另外要主角清楚,背景矇即係俗稱淺景深既相,DC就不能太強求,只可以靠影微距先可以達到.影人咁大既物體係唔多得的.只可以影下花花草草,公仔等細件物體玩下