✔ 最佳答案
閣下的問題是擴音機和喇叭不配合, 所以引致經常燒保險絲. 喇叭大食或大於擴音機輸出太多, 所以當大電流流過時便燒保險絲, 如果電流瞬間過大太多, 亦有可能燒火牛.
第1 係要睇擴音機ohms 數, 如果係8ohms, 就最好配番8ohms 喇叭, 如此類推.
第2 係喇叭通常只需要大擴音機些少便可以, 以防唔覺意開大左燒喇叭.
第3 係擴音機類型需配合閣下所聽音樂, 如果喜歡聽爆棚或瞬變快音樂, 就唔應該揀石機 (原子粒或IC).
第4 係一般聽歌前級同后級都唔會超過一半 (12點位置), 前級一般只會開到9-10 點位置. 如果前同后都要開到咁大, 即係話閣下的聆聽位置大於擴音機同喇叭所能處理的範圍. 閣下應選擇選擇輸出更大的擴音機同喇叭.
至於擴音機和喇叭配合的音樂感, 最好選自己喜歡的音樂去試, 適合別人的口味, 未必等於自己.
如果只係燒保險絲, 很多電器維修師傅都換到, 唔一定要原廠, 如果想好D, 可以用一D 影音專用保險絲.
如果想搵香港代理, 可以send e-mail 到佢地web site 問.
http://www.carversound.com/
http://www.carversound.com/contact.php
