✔ 最佳答案
賠錢你就唔駛驚，因為係你老細要求你提早走，唔係你自己要求。你公司有無 email？如果你驚將來佢反口，你可以 send 個 email 俾佢，內容咁寫：
Dear xx (你老細個名),
As your request （呢三個字好緊要，寫明係佢要求你先早走）, I will leave earlier on 31 Oct 2008.
Thanks for giving me chance to learn in XXX（你公司個名）.
XXXX（你個名）
Send 俾你老細之後，如果佢無o係 email 回應話佢無咁講過，你就 print 一份出o黎，自己收起個 copy，咁就萬無一失啦。
------------------------------------------------------------------
至於 reference letter，呢樣o野真係好重要o架bor，o係香港搵o野做，你無 reference letter人o地可能會問你點解無。我想問點解你肯定無？你有無試過問你老細／人事部？話唔定人o地肯寫俾你。又或者咁，有oD公司封 refernece letter係由你自己寫，然後拎俾人事部簽o架，我估你公司可能都係咁，你問問你oD同事應該點做啦（咁當然係問一oD同你關係好o既同事啦）
如果真係無，你見工可以試試呢兩個方法，不過我唔肯定 work：方法一：你見工o個陣，你就呃你未來老細，話宜家仲未辭職，所以無 reference letter，不過呢個方法都有一定風險，因為有oD公司真係會 send 信去你前公司度問你幾時走，到時查到同你申報o既唔 match你就死；方法二：話人事部宜家仲攪緊，所以仲未有，但係呢個方法最多只可以o係你走o左o既一個月內用，而且呢個方法都有風險，因為有oD公司會要求你辭職之後補o番 reference letter俾佢。
------------------------------------------------------------------
至於個新同事，其實每個人有每個人o既做事方式，我又覺得無話一定要佢用你個方法去做喎，總之佢做完出o黎個結果係付合你老細要求我就覺得無問題。
再講你都就o黎走，我覺得唔駛理個新同事太多，你俾你老細知道你交有教佢得o架la，如果你都係怕你老細唔知你教o左佢oD乜，你就將你教過佢o既o野，白紙黑字咁寫出o黎，然後當係 notes 咁分別新同事（用e-mail send 俾佢再 cc 俾你老細就仲好）。
------------------------------------------------------------------
最後同閣下講句，防人之心不可無，辦公室政治o既o野，我可能仲差過你，所以唔敢俾太多意見，但係市面上係有呢方面o既書，你可以睇睇。
