練yoga周身根肉痛點解救呢????

我未玩過 yoga，不過都成日做 gym，有 d 解除肌肉痛的心得，睇下幫唔幫都你啦。其實肌欲響運動後痛，係正常現象，因為你勞動了肌肉，所以會產生訊號要求你讓它復原，呢 d 訊號就係疲累，酸軟和痛了，要解決，自然就是要讓它們盡快恢復啦。首先，運動完之後必須要有充足休息，例如要暫時停止再次鍛鍊有關的肌肉一段短時間，而且要有充足睡眠。另外亦有盡快補充營養，例如碳水化合物 (飯，麵，麵包) 和蛋白質 (肉，魚，蛋，奶)，因為運動必然會消遣營養，而要肌肉和身體復原就一定要以上兩類營養。除此之外，運動前做點熱身，運動後做點舒展動作，亦有助身體舒緩疲累/酸軟/痛楚的。沖個熱水浴，或按摩肌肉亦有助血液循環，幫助快點復原，不過效果比不上休息和營養了。其實你玩了一年 yoga 仍會覺得痛，部份原因可能係你平日太少運動，無論你做乜野運動都好，一星期一次都係稍少了點。以我們做 gym 的為例，一星期只玩一次的話，那次多半會很痛，但整體成績不會很明顯；相反一星期去 2 - 3 次，效果更顯著之餘，反而無咁易痛添! 因為體能會顯著提昇，就唔會動不動操到肌肉痛了。所以時間許可的話試下加到一星期兩次，可以迫使身體變得更強更健康，說不定反而能解決你的問題呢!