為甚麼香港人對未來經濟前景悲觀?

為甚麼香港人對未來經濟前景悲觀?
答: 因為大家都好清楚, 最壞的情況還未發生. 現在公司倒閉潮和裁員潮才剛剛開始. 歐美經濟又走下坡, 中國經濟又會拖累. 所以悲觀其實是理性和正常的.
我地唔駛靠美國佬就搵唔到錢嗎?
答: 對於好多人來講, 的確係唔靠美國唔掂的. 但今日的情況, 就算平時唔靠美國的人, 都因為歐洲和亞洲市場出現問題而搵唔到錢.
香港人靠自己搵錢唔得嗎?
答: 香港人一直都係自己搵錢. 但如果你係指香港的本地市場. 香港的本地市場, 係唔夠養起目前咁高人工和咁多人的. 特別係我們有一隊十幾萬人的公務員隊伍. 搵搵埋埋都唔夠.
可以憑自己實力搵錢又駛咩怕世界金融海嘯,對嗎?
答: 有實力當然唔怕. 但唔係好多人真係有實力.

very good!!!!!!!!!!

有咁無能兼無良嘅政府，你點會唔悲觀？﹝如雷曼迷債事件、副局長同政治助理事件，生果金事件......真係不勝枚舉！﹞
本來好地地，見Uncle Sam亂印銀紙都唔肯轉彎，搞到港元跟美元一齊貶值，班地產商好似驚你唔死咁樓價炒到兩萬蚊一呎，啲錢都俾佢賺咗喇，咁小商戶同小市民唯有睇幾時死啦！
政府政策傾斜，班窮嘅就發爛渣，班有錢嘅就亂咁投資，輸咗要小股民填氹。銀行叫你將血汗錢擺佢度，話可以安享晚年，一個雷曼迷債即刻令小市民發現原來銀行同老千一樣！以前話養兒防老，咁最近老竇同仔可以為學費打官司，話孝順仔不如近身錢又見到銀行咁搞，靠自己賺埋都俾人屈咗同千咗，你話點可以唔悲觀？
有實力嘅依家好似都揸咗外國護照﹝所以班副局長無外國護照係正確嘅！﹞個個都當香港係揾錢而唔係長住嘅地方，用過客心態去為「人民」服務，香港又點會有運行？

全世界都要睇美國做,香港資源不及美國強大,而且中國剛剛起步.
整個世界已被美國玩完啦!