✔ 最佳答案
以下僅為在下個人淺見, 沒有事實証據, 純粹揣測. 歡迎理性討論, 惡搞及無禮者恕不回覆.
係網上, 面對一個個沒有真實姓名, 一味妖言惑眾或亂掟蕉皮既人, 在下既立場就係不回覆. 清者自清.
可惜身為特首就無可選擇. 明知人地[議員]唔係善男信女, 都得面對. 其實今屆立法會選舉結果一出, 曾生應該已經知道大鑊架啦. 不只一個長毛, 仲多左好多 [尊貴] 既議員, 點會有理性討論吖, 更唔好講做到d咩幫到香港, 佢地唔搞破壞已經唔該晒啦.
好, 啱啱要出施政報告就來了一個海嘯, 市民和議員正有一口烏氣無處發洩, 咁呢個施政報告就實聽比人鬧架啦. 上次皆大歡喜咁派糖亦冇可能重演, 因為已經乾塘啦. 咁點好? 攞個假靶比人打, 其他實質政策就好過關了嘛. 生果金數目加得不多, 總金額唔大, 用來做靶又平又方便!
曾生呢招都唔係未試過架, 以前試過放晒風話唔減稅, 一宣佈有得減, d人就好受落個個好開心. 而家生果金又係一樣, 高姿態地話要資產審查, 過一排就話唔使啦, d人咪開心番囉. 如果一大早話唔使審查, 只加幾百蚊, 就冇左呢個效果, 分分鐘d人就轉鬧加得少啦. 到時要everybody happy, 豈不是要加更多? 使錢更多? 心水清d就估到啦, 一人先至加果幾百蚊, 但經常進行資產審查既行政開支都唔止一人幾百蚊啦! 用來做生果金加晒比所有老人, 其實除笨有精.
咁佢呢招都幾有效吖, d人已經唔記得或唔好意思嫌加得少啦.
仲有個附加好處, 立法會上d 人掛住鬧生果金, 用左好多時間, 要[出蕉]既人亦出左蕉, 對[選民]已有個交代, 其他範疇如教育, 醫療衛生, 綜援呢d傳統比人鬧到飛起既議題, 而家反而唔觸目啦, 容易過骨! yes! 今次施政報告大成功!
===
人地曾特首做左咁多年政務官, 呢方面聰明過董生, 逆境時才能保住名節呀!
不過, 莫講對佢個人仕途係咪有益處, 今次讓施政報告順利出台, 立法會內外團結不分化既氣氛, 比一點點甜頭既感覺大家, 對香港而家低迷既狀況都係好事一樁. 算唔算玩手段? 是否necessary evil? 就有待大家評價啦.
2008-11-06 01:12:15 補充：
是否怕了議員出「招」?
看完上文在下的淺見, 相信亦不難明白, 係曾生 [引導] 左d [蕉] 去掟 [生果金], 而唔掟 被遺忘的教育界, 周身唔得掂既食物衛生界, 逐漸走向回收成本既公共醫療界....
怕係怕d議員挖個d界別既問題來講, 因為個d問題一係就不可能有解決方案, 一係就會順得哥情失嫂意, 總之冇一個everybody happy既出路. 比人掟蕉中呢幾味, 都幾難落台. 掟生果金咪易辦囉. 又點會怕議員掟呢?
面皮薄成咁就做唔到咁多年政務官, 一早轉左行啦.
2008-11-06 01:28:59 補充：
如何處理生果金問題, 才算「理性」?
[如何處理日漸不理性的立法會] 似乎重要d喎. 反觀今次呢單野, 政府唔係唔理性, 傳媒都有在罵, 都同平時一樣. 只係上立法會[做show]掟蕉既係個別議員唔理性啫.
觀乎平民百姓的想法可以好單純: 有錢既望減稅, 冇錢既望政府派錢, 有家人係大陸既就望取消入境限制, 家人全部係香港既就望禁止大陸人來港搶飯碗, 搶病床生仔.
咁都要有人為全個香港打算至得架. 而呢d人, 往往就成為眾矢之的. 樓下講既可加可減講得容易, 到經濟唔好時, 如果你話減, 你估d議員又會掟咩呢?
2008-11-06 01:39:32 補充：
得罪d講句, 可能民主制度永遠不能解決議員質素低落呢個問題. 一人一票, 當議員要搏出位來搏選票, 呢d行為就會愈玩愈烈. 君不見海峽對岸既立法會都係咁打晒交咩? 唔理性? 又唔係喎. 有記者報導過, 開會時打交既議員, happy hour一齊去飲野, 非常友好. 打交只係有鏡頭影住, 要向選民交待時才打.
即係, 其實成件事係場show, 係d選民被愚弄, 誤以為d議員係為佢地既利益打生打死. 下次又會心甘命抵投佢一票囉.
2008-11-06 02:07:48 補充：
至於生果金既將來又點呢? 相對綜援, 生果金其實係小數目. 會不會變到政府而家講咁大鑊? 如果唔夠錢到生果金都要減, d 綜援都一早冇錢比啦. 呢個問題咪更嚴重?
要睇不如睇下調整經濟政策, 資源分配. 每一年既財政預算有幾多錢用, 唔係一個static figure, 有你就會冇我. 所以, 政府話加一邊就要減另一邊呢種講法有誤導. 個巨大既儲備亦唔使年年滾存咁大舊, 庫房大水浸, 有人冇飯開.
世界上好多國家有國庫債券, 庫房既結餘可以係負數, 唔使死架. 只不過係唔符合中國人傳統儲蓄既習慣啫.
2008-11-06 02:10:29 補充：
要做到呢一步, 就要有d 好有膽識既人來做財爺. 仲要有中央政府首肯支持, 都唔容易. 不過, 似乎咁先至係釜底抽薪既方法.
以上又係純屬個人意見, 看官若有唔順眼, 歡迎批評指正!
參考: 純屬個人意見及揣測, 如有得罪請email我, 我會刪除.
