✔ 最佳答案
你情況同我朋友一模一樣!
佢又係取消電訊盈科轉用和記,約好晒放假屋企等佢裝,天光等到天黑都唔見人,打去追佢就話師傅附近,好快就到。再等個幾鐘個師傅打話今日唔到,叫我朋友自己再約過時間!
咁我朋友火都埋,即時打電話去投訴同埋取消合約,開頭個職員仲話簽約,而家取消要罰行政費。我個朋友用粗口鬧到佢隻狗咁,跟住搵經理投訴,等一陣終於有自稱經理人聽,佢係度道歉同埋希望我朋友唔好取消合約。我朋友話依家唔係我唔用你地公司,係你地公司唔做我生意,我都未叫你賠償價期錢同時間,你夠膽收一從未提供服務行政費?我一定同電訊管理局同傳媒投訴你呢大公司營業手法!
咁經理死死氣畀我個朋友免費取消合約,我個朋友好醒目,知道呢對話一定全部錄音,就問清楚經理姓名同埋今次對話錄音編號,用日後有需要時投訴用。
我朋友呢件事入面同和記就再無轇轕,咁諗住用番電盈服務同電話號碼,點知電盈話因為和記同佢申請轉號碼同用戶,但最後無用到,電盈已經將我朋友號碼重新列入再分配號碼,佢無辦法可以再畀番個舊號碼我朋友用!
我朋友一怒之下決定唔再裝固網電話,反正屋企人個有手機,唔用固網都無所謂!
講番你問題,你要紀錄好預約安裝時間同佢甩底詳情,如果再有同佢通話,每次都要問明對方姓名同埋通話錄音編號。佢自認大公司,一完會提供畀你。如果佢刁難你取消合約決定,即管同電訊管理局,消費者委員會同埋傳媒投訴,佢為保形象,多數都會算數!