事發係兩晚前
原本我地仲嘻嘻哈哈完全冇事 但係當時佢無啦啦怪番我一樣我冇做過既野 (不渉及第三者) 而且已經係前兩晚既事 亦已經氹番 而我工作剛巧又出左問題 語氣或者重左少少 有點悔氣 我又忟佢又忟 話佢做乜好地地無端端又提 (因為佢性格係常常無端唔高興發脾氣) 之後佢開始指手畫腳然後反枱 同埋將枱上既野全部掃落地打爛晒 當時我都驚驚地 同時好想盡快控制佢情緒同場面 但又唔知點好 一時衝動摑左佢一巴 之後佢更加失控尖叫再踢野....
件事發生左 佢好正常地話分手 我理解 所以首先我係想氹番佢先 亦因為呢個原因我覺得有多少徬徨 因為佢走係好啱 我亦知道呢樣野好難補救
我尋晚(事發後第一晚)上過佢屋企 佢冇鎖橫鎖 覺得佢唔絕得晒 佢冇好激動咁趕我走 只係喊住叫我走 話唔想見到我 我有低聲下氣道歉 想解釋一次件事 但佢情緒似乎仲未平伏 冇去聽我講既野 我都唔知點 比佢冷靜多兩日又怕佢以為我乜都唔做 佢會死心 我日日上去又怕佢再激動越搞越大..
結果我今晚(事發後第二晚) 再去氹佢 佢亦冇鎖橫鎖 只係鎖左房門 我即刻打電話氹佢開房門 佢開左 但佢都仲激動 係度喊and趕我走 我跪左係度求佢原諒我 同我叫佢睇一封我寫既信 但佢又開始激動叫我比佢休息 話唔再需要我 我唯有走
我地一齊三年 半同居 一向我地關係好好 好恩愛 一齊捱窮又一齊經歴好多事 大家亦常常傾結婚同將來
我應該點? 比幾耐佢冷靜? 定佢真係死心 唔再需要我?
Thanks...
更新1:
- 之前三年我無出過手 但我女友有試過一次用手大力推我 但我原諒左佢 - 今日我有SMS過佢兩個姊妹朋友 同佢地交代一次件事/認錯 叫佢地幫下口 - 我想知 比起第一晚 佢有冇心軟左? 同埋佢原諒我既機會有幾大?
