心藏有血塊成因係咩???HELP!

樓上的小版友，你所描述的冠心病形成的過程大致上正確。不過你似乎應該 check 清楚 d 醫學名詞及理論先出 post 答人家的問題好 d。例如：
【好膽固醇可以自然排出體外,】好膽固醇是不會被排出體外的。它只會被肝臟分解及吸收。,
【一o的比較迂迴, 扭曲得比較緊要o既血管, 好似冠狀動脈, 尤其容易造成膽固醇積聚o係血管壁.】冠狀動脈並不迂迴，扭曲。右直枝，左直降枝都是主要心血管的名稱。迂迴及, 扭曲亦非膽固醇積聚心血管的原因。
【就會型成粉瘤.】那些粉瘤應該叫做“粥狀動脈斑塊”。
【血小板會attach到爆破o既位置型成血塊.】呢個情況應叫“血栓子”。
【至於嚴唔嚴重, 就要睇爆破o既面積. 好多時上述提到o既情況, 當事人係完全唔會察覺, 咁係因為面積比較細. 如果面積大o的, 型成較大血塊, 血管內腔會收窄,】血栓形成會將整段血管塞住，並唔會只係將血管收窄。將血管收窄的是那些越積越厚的“粥狀動脈斑塊”。

褸主，心臟有血塊的主要成因是血液變杰，血小板數目增多積聚在一起。這些現象多發生在長期吸煙，壓力高，血壓高的人仕身上。

你係指冠狀動脈入面有血塊?

食物入面有脂肪, 哩o的脂肪吸收左之後會變成膽固醇, 膽固醇有好壞之分, 主要睇下入面脂肪蛋白o既比例. 好膽固醇可以自然排出體外, 壞膽固醇入左血管後, 會滲入血管壁入面, 一o的比較迂迴, 扭曲得比較緊要o既血管, 好似冠狀動脈, 尤其容易造成膽固醇積聚o係血管壁.

當越o黎越多膽固醇積聚o係血管壁, 就會型成粉瘤. 到血管壁無辦法再受更多o既膽固醇, 粉瘤就會爆破(叫動脈粥樣化), 血管內層會暴露o係血液中. 血液入面有血小板可以迅速止血, 於是血小板會attach到爆破o既位置型成血塊.

至於嚴唔嚴重, 就要睇爆破o既面積. 好多時上述提到o既情況, 當事人係完全唔會察覺, 咁係因為面積比較細. 如果面積大o的, 型成較大血塊, 血管內腔會收窄, 當人做較劇烈運動o個陣, 冇足夠血液可以通過o個條血管, 咁個人心口就會痛, 哩個就係心絞痛. 再嚴重o的, 血小板型成o既血塊塞住左成條血管, 就會造成心肌梗塞, 要o係短時間內送到醫院, 唔係就有生命危險.

希望你爸爸無咩事啦!