亞曾生做o左立法主席係咪壓力大壞o左腦呀？

唔好睇曾主席平時面懵懵, 但屬面懵心精嗰隻, 講野經常有骨(但無內涵), 俾佢桔親都唔知, 並經常語無倫次, 就如上述嗰啲天外來語, 就叫你想爆頭都唔知佢噏乜? 幾經推敲, 亦曾徵詢過幾個青山院士, 結果終弄出點眉目來 :
曾主席講經濟哀退係好事, 天會藍D！─ 梗係喇, 啲廠都無工開, 珠三角排污咪減少左, 少啲污染物飄來港囉, 個天自然會藍D喇 ;
曾主席講經濟哀退係好事, 人會長壽D！─ 梗係喇, 啲人失業無工返, 唔係周圍搵工, 就喺公園打躉, 有運動又可呼吸清新空氣, 又無錢買餸喎, 成日食青菜白飯, 油都落少啲, 人梗長壽D喇!
曾主席講經濟哀退係好事, 世界會和諧D！！─ 梗係喇, 啲廠摺晒, 股票瀉晒, 樓價衰晒, 平民百姓啲錢無晒, 兩餐都成問題, 你話仲可爭啲乜野? 拗啲乜野? 世界怎會不和諧吖?
所以抵黑人曾坐呢個主席位嘅, 度啲野能人所不能, 又陰濕、又折墮, 睇幾時連青山醫院個主席位都俾埋佢坐, 包嗰啲院士唔使行番出嚟─因傻上加傻。