電磁爐煮食 比 煤氣爐煮食 較平？較環保？

我屋企都用電磁爐,厨房的油煙的確不多,很清潔,可以相信用電磁爐係會有較少油煙,污染空氣。電磁爐用电量不多,電費當然較煤氣費平得多。此外,電磁爐沒有火,比較安全,尤其有小朋友或青少年的家庭,不怕大意燒着嘢,但電磁爐嘅火力又不見得比煤氣爐弱,煑餸煲湯一樣無問題。唯一聽人講電磁爐嘅電磁波對人會有唔好嘅影响,但係其實一日又有幾多個鐘開爐煑飯,就算有影响相信都好有限,我用咗一年,一切正常,無乜問題。

環保則必選電磁爐了，但與 煤氣爐煮食 比較，那一樣較平就不能提供意見了！

我家也在最近8月轉用了電磁爐，油煙就真是少了很多，而且煮食物的速度也很快。煲湯仲正，因為它預較了1小時，當湯煲滾後，它會KEEP 住時大時細地煲， D湯又不會滾瀉，效果不錯，仲可以不用<睇火>，因為夠時間就會自動停止。

另外還有多款煮食要求供選擇，例如 : 煲湯/粥、煲水、大火蒸、小火蒸、煎炒、火鍋等，而且還有多個熱度供選擇，而且爐面不熱、清潔容易。到目前為止，感覺真的很好用！(希望往後仍是這感覺/效果吧！)

有樣要提提，就是我們選擇了2個 <P字頭牌子的單頭爐>，而非<兩頭相連>那款，因為雙連那款質素好D的也最少要$3000以上。但我們買的只需$738及$828，因為我們先在<豐X>買了一個($828)，試了效果不錯後，再在<百XX>買多一個($738)，2間也附送一個電磁煲。咁樣2個加埋也不過$1600，而且我們還可(打算)拿其中一個到廳中打邊爐，相信<兩頭相連>那款就比較困難了。

希望可以提供少少意見給你參考啦！

(註 : 我並不是上述產品、商戶的任何成員，純粹是一個用家而已！)

環保當然系電磁爐,在煮食過程中,所產生油煙會好少,稀放出有害物質唔多!用電當然平好多,煤氣表數並不是開火才計,由準備撻制已經開始運作,而且關制後也需要回氣,回氣個錶一樣行,表數行得好快!

經濟唔好，個個都想慳錢！
我都想改用電磁爐煮食，因肯定比煤氣爐煮食平，由其是煲湯，幾個鐘，小數怕長計。好彩我由鑊到煲多數可用電磁爐，否則又要買過！(但沖涼就一定要用煤氣，因為特別夠熱！)

我屋企用電磁爐, 會平過用煤氣爐. 用電爐, 煮嘢會好快滾, 又安全, 又唔大煙. 夏天煮嘢都無咁熱. 邊樣環保d我就唔知. 不過用電嘅錢係平過用煤氣. 但係如果你用電磁爐, 就要買過晒d煲同鑊. 因為一定要用d可以比磁石"痴"到嘅煮食用具先得.