APS同FULL FRAME的數碼單反.. 點解價錢差咁多??

APS同Full frame既最大分別就係感光完件既呎吋.
Full frame就即係塊感光完件呎吋同傳統135菲林咁大,呎吋大約就係36 x 24mm,而APS塊感光完件係比較細的.大約只係24 x 16mm左右(唔同牌子會有出入).
優點1.
或者可以叫特性1,鏡頭焦距係幾多就係幾多,沒有焦距增長的問題.一啲傳統廣角鏡用在APS相機由於四邊被裁走,會變咗唔夠廣角.需要更加廣角的鏡頭,Full frame則沒有這個問題.
但APS相機郤因為這個特性,反而對遠攝有利,所以不能說完全是優點,只係機就鏡頭定鏡頭就機.
優點2
大面積的感光完件有較多空間增加像素而不會令質素下降或者將每一粒像素做得大啲令畫質更純淨,這可以算是最大的優點.
優點3
觀景窗大而明亮,感光完件大,觀景窗自然就大,有利於手動對焦.
優點4
或者可以叫特性2,景深淺.同一焦距鏡頭,由於Full frame沒有焦距增長,變相要靠得比較近才可以拍攝到同樣大小的主體.而靠得近是會令景深變淺的,如果影人像就有利虛化背景.不過如果影微距就反而會有景深唔夠深的問題.
優點5
用魚眼鏡不會裁走效果最明顯的四邊,雖然現在也有APS專用魚眼鏡,但選擇小好多.
其實全片幅一樣有缺點.
缺點1.
價錢及重量比APS貴及重
缺點2
對鏡頭的質素要求較高,APS由於會裁走相片四邊,一些鏡頭缺憾例如四角解像度低落或者失光等會冇咁明顯.Full frame就乜都要晒.
缺點3
對焦點太集中於中央,現時某些Full frame相機的對焦系統係由APS度搬過來的,原本分佈得好好的對焦點,由於感光完件外圍加大了,變咗去晒中間.
其實Full frame只要裁走相片四邊效果就會同APS一樣.而且多數機都會有APS模式做呢樣嘢,唔駛用電腦做都得,但除咗一啲好高像素既機型.裁走之後通常像素就會小過APS,不利大呎吋輸出.